தீபிகா படுகோனேவா இது? சபாக் படத்தின் மிரள வைக்கும் ஃபர்ஸ்ட் லுக்!

டெல்லியில் கடந்த 2005-ம் ஆண்டு ஆசிட் வீச்சால் பாதிக்கப்பட்ட பெண்ணின் வாழ்க்கை வரலாறு படத்தில் அந்த பெண் கதாபாத்திரத்திலேயே தீபிகா படுகோன் நடித்துள்ளார். ஆசிட் வீச்சு பெண்ணாக தத்ரூபமாக தீபிகா படுகோனே இருக்கும் ஃபர்ஸ்ட் லுக் வெளியாகி வைரலாகி வருகிறது.

பாலிவுட் இயக்குநர் மேக்னா குல்சார் இயக்கத்தில் உருவாகி இருக்கும் சபாக் படத்தில் தீபிகா படுகோனே ஆசிட் வீச்சால் பாதிக்கப்பட்ட பெண்ணாக நடித்துள்ளார்.

ஆசிட் வீச்சால், லஷ்மி அகர்வால் பாதிக்கப்பட்ட போது அவருக்கு வெறும் 15 வயது தான். திருமணம் செய்து கொள்ள வலியுறுத்திய வாலிபனை இவர் ஏற்க மறுத்ததால், அந்த கொடூரன் இவரது முகத்தில் ஆசிட் வீசிச் சென்றார். பின்னர், வாழ்க்கை அழிந்துவிட்டதே என முடங்கி விடாமல், பெருந்துயரில் இருந்து போராடி, பல பெண்களுக்கு நம்பிக்கை தூணாக விளங்கி வரும் லஷ்மி அகர்வாலின் கதையில் தான் நடித்தது பெருமை அளிக்கிறது. பெண்களுக்கு எதிரான வன்முறைகள் மற்றும் பாலியல் அத்துமீறல்கள் இந்த படத்தை பார்ப்பவர்கள் நெஞ்சில் மாற்றத்தை விதைத்தால், அது தான் இந்த படத்துக்கு உண்மையான வெற்றியாக இருக்கும் என தீபிகா தெரிவித்தார்.

அடுத்த ஆண்டு ஜனவரி 10ம் தேதி இந்த படம் திரைக்கு வருகிறது.