வணிகம்
திமுக அரசு பழைய ஓய்வூதிய திட்டத்தை செயல்படுத்த விருப்பமில்லையா? ககன்தீப் சிங் பேடி குழு இன்னும் செயல்படவில்லை!
தமிழ்நாட்டில் அரசு ஊழியர்கள் மற்றும் ஆசிரியர்கள் நீண்ட நாட்களாக பழைய ஓய்வூதியத் திட்டத்தை (Old Pension Scheme – OPS) மீண்டும் செயல்படுத்த வேண்டும் எனக் கோரிக்கைகள் விடுத்து வருகின்றனர். இதனைக் கருத்தில் கொண்டு, தமிழ்நாடு அரசு 2025 பிப்ரவரி 4-ஆம் தேதி ககன்தீப் சிங் பேடி தலைமையில் மூன்று பேர் கொண்ட சிறப்பு குழுவை அமைத்தது.
இந்தக் குழு 9 மாதங்களுக்குள் அரசு ஊழியர்களுக்கும் ஆசிரியர்களுக்கும் பழைய ஓய்வூதியத் திட்டம் தொடர்பான பரிந்துரைகளை வழங்க வேண்டும் என அறிவிக்கப்பட்டிருந்தது. ஆனால், 6 மாதங்கள் கடந்தும், குழு தன் அடிப்படை பணிகளையும் தொடங்கவில்லை என்பதால், அரசு ஊழியர்கள் கடும் அதிருப்தியில் உள்ளனர்.
அரசுக்கு விருப்பமில்லையா?
பாமக தலைவர் அன்புமணி ராமதாஸ், இது தொடர்பாக வெளியிட்டுள்ள அறிக்கையில், “திமுக அரசுக்கு OPS மீண்டும் கொண்டு வர எந்த மனப்பான்மையும் இல்லை. இதற்காகவே குழு அமைக்கப்பட்டதுபோல, அதுவும் எந்த முன்னேற்றமுமின்றி இருக்கிறது” எனத் தெரிவித்தார்.
குழுவின் பணி வரம்புகள் அறிவிக்கப்பட்டதாக நிதித் துறை அமைச்சர் கூறினாலும், அவை என்னவென்றும் இதுவரை வெளியிடப்படவில்லை. இதனால், திட்டம் செயல்படவேண்டும் என்பதே அரசுக்கு நோக்கம் இல்லையா என்ற கேள்வி எழுகிறது.
OPS யான ஒரு பகல்கனவா?
இந்தியா முழுவதும் ராஸ்தான், மேற்கு வங்கம், ஜார்கண்ட், சத்தீஷ்கர், பஞ்சாப், கர்நாடகம் மற்றும் இமாச்சலப் பிரதேசம் ஆகிய மாநிலங்களில் பழைய ஓய்வூதிய திட்டம் செயல்படுகிறது. எனினும், தமிழ்நாட்டில் மட்டும் அது தொடர்ந்து தாமதப்படுத்தப்பட்டு வருகிறது.
அன்புமணி, “திமுக அரசு OPS திட்டத்தை தாமதப்படுத்தும் நோக்கில் திட்டமிட்டு செயல்படுகிறது. எதிர்காலத்தில் பாமக அரசில் வரும்போது, அரசு ஊழியர்களுக்கும் ஆசிரியர்களுக்கும் OPS திட்டத்தை உறுதியாக அமல்படுத்துவோம்” என உறுதி அளித்துள்ளார்.
