ஆரோக்கியம்
சுவையான மீன் கேக் ரெசிபி: குழந்தைகளும் விரும்பி சாப்பிடுவார்கள்!
மீன் சாப்பிடாத குழந்தைகளுக்கு கூட பிடிக்கும் வகையில், மீனை வைத்து ஒரு அற்புதமான ஸ்நாக் ரெசிபி இதோ!
தேவையான பொருட்கள்:
மீன் – 300 கிராம் (வத்தல், சூரை, அல்லது வேறு எந்த வகை மீனும் பயன்படுத்தலாம்)
உருளைக்கிழங்கு – 2
பிரட் – 2
வெங்காயம் – 1 (நடுத்தர அளவு)
பச்சை மிளகாய் – 2
கொத்தமல்லி – 1 கொத்து
எலுமிச்சை பழம் – 1
மிளகு தூள், உப்பு – தேவையான அளவு
செய்முறை:
- மீனை சுத்தம் செய்து பொடியாக நறுக்கிக் கொள்ளவும். மஞ்சள் தூள் மற்றும் உப்பு சேர்த்து நன்றாக கழுவி, எலும்புகளை முடிந்தவரை நீக்கவும்.
- வெங்காயம், பச்சை மிளகாய், மற்றும் கொத்தமல்லியை பொடியாக நறுக்கிக் கொள்ளவும்.
- பிரட் துண்டுகளை மிக்ஸியில் போட்டு பொடியாக அரைத்துக் கொள்ளவும்.
- உருளைக்கிழங்கை வேக வைத்து, தோல் நீக்கி மசித்து வைத்துக் கொள்ளவும்.
- ஒரு பாத்திரத்தில் நறுக்கிய மீன், வெங்காயம், பச்சை மிளகாய், கொத்தமல்லி, மசித்த உருளைக்கிழங்கு, உப்பு, மிளகு தூள், மற்றும்
- அரைத்த பிரட் சேர்த்து நன்றாக பிசையவும்.
- எலுமிச்சை பழத்தை இரண்டாக நறுக்கி, சாறு பிழிந்து பிசைந்த கலவையில் சேர்த்து 15 நிமிடங்கள் ஊற வைக்கவும்.
- ஓவனை 200°C க்கு 10 நிமிடங்கள் முன்பு Preheat செய்து வைக்கவும்.
- ஊற வைத்த மீன் கலவையை ஒரு பேக்கிங் ட்ரேயில் விரும்பிய வடிவத்தில் வைத்து 200°C வெப்பநிலையில் 15 நிமிடங்கள் பேக் செய்யவும்.
- சுவையான மீன் கேக் தயார்!
- இதனுடன் உங்களுக்கு பிடித்த சட்னி அல்லது சாஸ் சேர்த்து சாப்பிடலாம்.
குறிப்புகள்:
- மீன் வாசனை அதிகமாக இருந்தால், இஞ்சி பூண்டு விழுது சேர்த்து பிசையலாம்.
- உருளைக்கிழங்கு வேக வைக்காமல், பச்சையாக அரைத்தும் சேர்க்கலாம்.
- 15 நிமிடங்கள் பேக் செய்த பிறகு, மீன் கேக் வேகவில்லை என்றால், மேலும் 5 நிமிடங்கள் பேக் செய்யலாம்.
- இந்த ரெசிபியில் மீன் தவிர, கறி அல்லது கோழிக்கறியையும் பயன்படுத்தலாம்.
- இந்த சுவையான மீன் கேக் ரெசிபியை முயற்சி செய்து உங்கள் குடும்பத்தினருடன் மகிழுங்கள்!
