இந்திய ரிசர்வ் வங்கியின் தனிநபர்களுக்கு தங்கக் கடன்களை வழங்குவதற்கான புதிய வழிகாட்டுதல்கள்

இந்திய ரிசர்வ் வங்கி வங்கிகள் மற்றும் வங்கி சாரா நிதி நிறுவனங்கள் தனிநபர்களுக்கு தங்கக் கடன்களை வழங்குவதற்கான  வழிகாட்டுதல்களை வெளியிட்டுள்ளது. கடந்த மாதம், அடமானம் வைத்திருக்கும் தங்கத்தை முழுவதும் மீட்டப் பிறகு தான், மீண்டும் அந்த நகைகளை அடமானம் வைக்க முடியும். தங்க நகைகளை மீட்காமல் அப்படியே அடமானக் காலத்தை நீட்டிக்க முடியாது என்று உத்தரவிட்டிருந்தது ரிசர்வ் வங்கி. மக்களிடையே பெரும் அதிர்வுகளை கிளப்பியிருந்தது இந்த வரைவு வழிகாட்டுதல்கள் நடைமுறைப்படுத்தப்பட்டால், நீங்கள் தங்கக் கடன் பெறும் முறையில் என்னென்ன தாக்கங்கள் ஏற்படும் என்பதை பார்க்கலாம். புதியரிசர்வ்வங்கி வரைவு, அனைத்து கடன் வழங்குநர்களுக்கும் கடன்-மதிப்பு விகிதத்தை 75% ஆகக் குறைக்க முன்மொழிகிறது. இதன் பொருள், நீங்கள் ரூ.100 மதிப்புள்ள தங்க நகைகளை பிணையாக வைத்தால், கடன் வழங்குபவர் அதிகபட்சமாக ரூ.75 கடன் தொகையை மட்டுமே வழங்க முடியும். விவசாயம் சாராத கடன்களுக்கு ஏற்கனவே 75%  வரம்பு இருந்தது. புதிய வரைவு நுகர்வுக் கடன்களுக்கும் அதே வரம்பை நீட்டிக்கிறது. கடன்வாங்குபவர்கள் உரிமைச் சான்றினை வழங்க வேண்டும்: ரிசர்வ் வங்கியின் வரைவு, கடன் வாங்குபவர்கள் பிணையாகப் பயன்படுத்தப்படும் தங்கத்திற்கான சரியான உரிமைச் சான்றினை வழங்க வேண்டும் என்று கட்டாயப்படுத்துகிறது. பிணையத்தின் உரிமை சந்தேகத்திற்குரியதாக இருந்தால் கடன் வழங்குநர்கள் கடன்களை வழங்கக்கூடாது என்றும், அவர்கள் பிணையத்தின் உரிமைச் சரிபார்ப்புப் பதிவை முறையாகப் பராமரிக்க வேண்டும் என்றும் அந்த வரைவு கூறுகிறது. தங்கத்தை வாங்கியதற்கான அசல் ரசீதுகள் இல்லையென்றால், கடனாளியிடமிருந்து ஒரு தகுந்த ஆவணம் அல்லது அறிவிப்பு பெறப்பட வேண்டும்,...