வேலைவாய்ப்பு
AAICLAS வேலைவாய்ப்பு 2026: மதுரை, திருச்சி விமான நிலையங்களில் 62 உதவியாளர் பணியிடங்கள்.. 12-ம் வகுப்பு முடித்தவர்கள் விண்ணப்பிக்கலாம்!
இந்திய விமான நிலைய ஆணையத்தின் (AAI) கீழ் செயல்பட்டு வரும் Airports Authority of India Cargo Logistics & Allied Services Company Limited (AAICLAS) நிறுவனத்தில், மதுரை, திருச்சி உள்ளிட்ட விமான நிலையங்களில் காலியாக உள்ள Assistant (Security) பணியிடங்களை நிரப்புவதற்கான வேலைவாய்ப்பு அறிவிப்பு வெளியிடப்பட்டுள்ளது.
இந்த ஆட்சேர்ப்பின் மூலம் மொத்தம் 62 காலிப்பணியிடங்கள் நிரப்பப்பட உள்ளன. தற்காலிக அடிப்படையில் நிரப்பப்பட உள்ள இந்தப் பணியிடங்களுக்கு தகுதியும் ஆர்வமும் உள்ளவர்கள் 2026 ஜூலை 2-ஆம் தேதிக்குள் ஆன்லைன் மூலம் விண்ணப்பிக்கலாம்.
பணியின் விவரம்
பணியின் பெயர்: Assistant (Security)
காலியிடங்களின் எண்ணிக்கை: 62
கல்வித் தகுதி
விண்ணப்பதாரர்கள் அரசு அங்கீகாரம் பெற்ற கல்வி நிறுவனத்தில் 12-ஆம் வகுப்பு (Higher Secondary) தேர்ச்சி பெற்றிருக்க வேண்டும்.
வயது வரம்பு
2026 ஜூன் 1-ஆம் தேதியின்படி விண்ணப்பதாரர்களின் வயது 27 வயதிற்குள் இருக்க வேண்டும்.
வயது தளர்வு:
- ஓ.பி.சி (OBC) பிரிவினருக்கு – 3 ஆண்டுகள்
- எஸ்.சி / எஸ்.டி (SC/ST) பிரிவினருக்கு – 5 ஆண்டுகள்
சம்பள விவரம்
தேர்வு செய்யப்படும் விண்ணப்பதாரர்களுக்கு மாதம் ரூ.21,500 முதல் ரூ.22,500 வரை ஊதியம் வழங்கப்படும்.
தேர்வு முறை
இந்தப் பணியிடங்களுக்கு விண்ணப்பிக்கும் நபர்கள் பின்வரும் கட்டங்களின் அடிப்படையில் தேர்வு செய்யப்படுவார்கள்:
- திறனறி தேர்வு (Skill Test)
- நேர்முகத் தேர்வு (Interview)
இவற்றில் சிறப்பாக செயல்படும் தகுதியானவர்கள் பணிக்கு தேர்வு செய்யப்படுவார்கள்.
விண்ணப்பிக்கும் முறை
ஆர்வமுள்ள விண்ணப்பதாரர்கள் AAICLAS-ன் அதிகாரப்பூர்வ இணையதளத்தின் மூலம் ஆன்லைனில் விண்ணப்பிக்க வேண்டும்.
விண்ணப்பக் கட்டணம்
- பொது மற்றும் ஓ.பி.சி பிரிவினர் – ரூ.500
- எஸ்.சி, எஸ்.டி, இ.டபுள்யூ.எஸ் (EWS) மற்றும் பெண்கள் – ரூ.100
முக்கிய தேதி
விண்ணப்பிக்க கடைசி நாள்: 02.07.2026
12-ம் வகுப்பு முடித்து விமான நிலையத் துறையில் பணிபுரிய விரும்பும் இளைஞர்களுக்கு இந்த வேலைவாய்ப்பு ஒரு சிறந்த வாய்ப்பாக கருதப்படுகிறது.
