ஹாட்ஸ்டாரில் இருந்து சன் டிவிக்கு கைமாறிய விஜய்சேதுபதி படம்!

நடிகர் விஜய்சேதுபதி நடித்த படம் ஒன்றை ஹாட்ஸ்டார் சாட்டிலைட் உரிமை பெற்றிருந்த நிலையில் தற்போது அந்த திரைப்படத்தின் சேட்டிலைட் மற்றும் ஓடிடி ரிலீஸ் உரிமையை சன்டிவி பெற்றிருப்பதால் பெரும் பரபரப்பு ஏற்பட்டுள்ளது.

விஜய்சேதுபதி, ராஷி கண்ணா நடித்த திரைப்படம் ’துக்ளக் தர்பார்’. இந்த படத்தின் படப்பிடிப்பு, போஸ்ட் புரொடக்ஷன் பணிகள் முடிவடைந்து ரிலீசுக்கு கடந்த சில மாதங்களுக்கு முன்பே தயாரானது. திரை அரங்குகளில் இந்த படத்தை ரிலீஸ் செய்ய படக்குழுவினர் எதிர்பார்த்த நிலையில் தற்போதைக்கு திரையரங்குகள் திறக்கும் வாய்ப்பு இல்லை என்பதால் ஓடிடியில் ரிலீஸ் செய்ய முடிவு செய்யப்பட்டது.

இந்த படத்தை சன் நெக்ஸ்ட் ஓடிடியில் ரிலீஸ் செய்ய பேச்சுவார்த்தை நடத்தப்பட்டது ஆனால் ஏற்கனவே இந்த படத்தின் சாட்டிலைட் உரிமையை ஹாட் ஸ்டாருக்கு விற்பனை செய்து இருந்ததால் சேட்டிலைட் உரிமை மற்றும் ஓடிடி உரிமை இரண்டையும் சேர்த்துக் கொடுத்தால் வாங்கிக் கொள்வதாக சன் டிவி நிறுவனம் தெரிவித்து இருந்ததாகவும், இதனை அடுத்து ஹாட்ஸ்டாரிடம் பேசி படக்குழுவினர் சேட்டிலைட் உரிமையின் ஒப்பந்தத்தை ரத்து செய்து தற்போது சன் டிவிக்கு சாட்டிலைட் மற்றும் ஓடிடி ரிலீஸ் உரிமையை கொடுத்துள்ளதாகவும் தகவல்கள் வெளிவந்துள்ளன.

மேலும் இந்த திரைப்படம் வரும் விநாயகர் சதுர்த்தி தினத்தில் சன் டிவியில் ஒளிபரப்பாக உள்ளதாகவும் அதனியடுத்து சன் நெக்ஸ்ட் செயலியில் ஒளிபரப்பாக இருப்பதாகவும் செய்திகள் வெளியாகியுள்ளன.

கோவிந்த் வசந்தா இசையில் டெல்லி பிரசாத் தீனதயாள் இயக்கத்தில் உருவாகியுள்ள இந்த திரைப்படத்திற்கு வசனத்தை பிரபல இயக்குனர் பாலாஜி தரணிதரன் எழுதி உள்ளார் என்பது குறிப்பிடத்தக்கது.