‘தளபதி’ விஜய் எப்படிப்பட்ட ஆள் தெரியுமா..?- இந்துஜாவின் உருக்கமான பதில்

தமிழ் சினிமாவின் வசூல் நாயகன் ‘தளபதி’ விஜய் எப்படிப்பட்டவர் என்பது குறித்து இளம் நடிகை இந்துஜா நெகிழ வைக்கும் பதிலைத் தெரிவித்துள்ளார். 

‘மேயாத மான்’ திரைப்படம் மூலம் தமிழ்த் திரையுலகில் கதாநாயகியாக அறிமுகமானவர் இந்துஜா. தொடர்ந்து மகாமுனி, சூப்பர் டூப்பர், பிகில் போன்ற திரைப்படங்களில் நடித்துப் பெயர் பெற்றார். குறிப்பாக விஜய்யின் பிகில் திரைப்படத்தில் கால்பந்தாட்ட வீராங்கனையாக கலக்கி இருப்பார் இந்துஜா. இதனால் தளபதி ரசிகர்கள் மத்தியில் அவருக்கு நல்ல ரீச் கிடைத்தது. அடுத்தடுத்துப் பல்வேறு படங்களில் கமிட்டாகி பிஸியாக இருக்கிறார் இந்துஜா. இந்நிலையில் அவரிடம் விஜய்யின் ரசிகர், தளபதி எப்படிப்பட்டவர் எனக் கேட்க, அதற்கு உருக்கமான பதிலைத் தெரிவித்துள்ளார். 

‘நல்ல மனிதருக்கு முன்னுதாரணம் விஜய் தான் என்றார். மனிதநேயத்திற்கும், அளவில்லாத திறமைகளுக்கு அவர் தான் உதாரணம். பல விஷயங்களில் அவர் என்னை கவர்ந்துள்ளார்’ என விஜய் குறித்து புகழ்ந்து பேசியுள்ளார்.

மேலும் வாழ்க்கையில் சிறப்பான தருணமாக எதை நினைக்கிறீர்கள் என கேட்டதற்கு, ‘முதல் படத்திலேயே வைபவ் மற்றும் பிரியா பவானி சங்கருடன் மேயாத மான் படத்தில் நடித்தது தான்’ என்றார் உற்சாகத்துடன்.