தாய்க்கு சிறை தண்டனை: பிக் பாஸ் வீட்டை விட்டு வெளியேறுகிறாரா கவின்!

நடப்பு பிக் பாஸ் சீசனில் அதிகம் பேசப்படும் நபர்களில் ஒருவராக இருப்பவர் கவின். இவருக்கு ஆதரவாக ஒரு வட்டமும், எதிராக ஒரு வட்டமும் சமூக வலைதளத்தில் உள்ளது. இந்நிலையில் பிக் பாஸ் வீட்டில் உள்ள கவின் தனது குடும்ப பிரச்சனை காரணமாக பிக் பாஸ் வீட்டை விட்டு வெளியேறியுள்ளதாக சில தகவல்கள் வருகின்றன.

கவினின் அம்மா ராஜலட்சுமி மற்றும் அவரது குடும்பத்தைச் சேர்ந்த அனைவரும் சீட்டு கம்பெனி நடத்தி பண மோசடி செய்ததாக குற்றச்சாட்டு உள்ளது. இதனையடுத்து இந்த பண மோசடி வழக்கில் கவின் குடும்பத்தை சேர்ந்த அவரது அம்மா உட்பட 3 பெண்களுக்கு 7 ஆண்டு சிறை தண்டனை விதித்தது நீதிமன்றம். இது பெரும் பரபரப்பாக பேசப்பட்டது.

இந்நிலையில் இந்தத் தகவலை அறிந்த கவின் பெரும் அதிர்ச்சியில் இருப்பதாக கூறப்படுகிறது. இதனால் அவர் பிக் பாஸ் நிகழ்ச்சியில் இருந்து வெளியேறி தனது தாய் உட்பட குடும்பத்தாரை பார்க்க செல்ல இருப்பதாக தகவல்கள் வருகின்றன. ஆனால் இதுகுறித்து அதிகாரப்பூர்வ அறிவிப்பு எதுவும் வெளியாகவில்லை. இந்நிலையில் இதுகுறித்து யாரும் விவாதிக்க வேண்டாம் எனவும், கவினின் தனிப்பட்ட வாழ்க்கையை விவாதமாக மாற்ற வேண்டாம் என காயத்ரி ரகுராம் கவினுக்கு ஆதரவாக குரல் கொடுத்துள்ளார்.