விண்வெளியில் சேகரிக்கப்படும் சூரிய ஒளி மின்சாரமாக மாற்றப்பட்டு மைக்ரோவேவ் மூலம் பூமிக்கே ஜப்பானின் “OHISAMA” திட்டம்,

விண்வெளியில் சேகரிக்கப்படும் சூரிய ஒளி இப்போது மின்சாரமாக மாற்றப்பட்டு மைக்ரோவேவ் மூலம் பூமிக்கே அனுப்பப்படுகிறது. ஜப்பானின் “OHISAMA” திட்டம், அதாவது ஜப்பானிய மொழியில் “சூரியன்” என்று பொருள், மனித வரலாற்றிலேயே மிகப்பெரிய சுத்தமான எரிசக்தி முயற்சிகளில் ஒன்றாக பார்க்கப்படுகிறது.

இந்த செயற்கைக்கோளில் உள்ள சோலார் பேனல்கள் சூரிய ஆற்றலை மின்சாரமாக மாற்றி, அதனை பேட்டரிகளில் சேமித்து, பின்னர் மைக்ரோவேவ் ஆற்றலாக பூமிக்குத் திருப்பி அனுப்புகின்றன. ஜப்பானின் சுவா பகுதியில் 600 சதுர மீட்டர் பரப்பளவில் அமைக்கப்பட்டுள்ள 13 தரை ரிசீவர்கள் அந்த மைக்ரோவேவ்களைப் பெற்று மீண்டும் பயன்படும் மின்சாரமாக மாற்றவிருக்கின்றன.

Japan Space Systems ஆலோசகர் கோய்ச்சி இஜிச்சி இதை “விண்வெளி சோலார் மின் நிலையங்களுக்கான மிகப்பெரிய முன்னேற்றம்” என்று குறிப்பிட்டுள்ளார்.

சுமார் 400 பவுண்ட் எடையுள்ள இந்த செயற்கைக்கோள் குறைந்த உயர பூமி சுற்றுப்பாதையில் இயங்கி, இதுவரை அறிவியல் கற்பனை என்று நினைத்த ஒன்றை நிஜமாக்க முயற்சிக்கிறது.

விண்வெளி சோலார் மின்சாரம் மூலம் காலநிலை மாற்றம், மேகமூட்டம் அல்லது பகல்-இரவு சுழற்சி போன்ற தடைகள் இருக்காது. அதனால் தொடர்ந்து மற்றும் நம்பகமான புதுப்பிக்கத்தக்க மின்சாரம் கிடைக்கும். ஜப்பான் தற்போது மிகத் துல்லியமாக மைக்ரோவேவ் கதிர்களை பூமிக்குத் திருப்பி அனுப்பும் “Beam Control Technology” மீது கவனம் செலுத்தி வருகிறது.

2030களின் நடுப்பகுதிக்குள் முழுமையாக செயல்படும் விண்வெளி சோலார் மின் நிலையத்தை உருவாக்குவது ஜப்பானின் இலக்கு.

“விண்வெளியில் சூரியன் ஒருபோதும் மறைவதில்லை… இது உலகத்தின் எதிர்காலத்தை மாற்றப் போகிறது.”