இந்திய ரூபாய் நோட்டில் ஏன் காந்தியின் படம்? ரிசர்வ் வங்கி வெளியிட்ட வியக்கவைக்கும் காரணம்!

சுதந்திரத்துக்கு முந்தைய காலகட்டத்தில், இந்திய நாணயங்கள் பிரிட்டிஷ் ஆட்சியாளர்களால் வடிவமைக்கப்பட்டன. அப்போது ரூபாய் நோட்டுகளில் விலங்குகள், மன்னர்கள், பிரிட்டிஷ் சின்னங்கள் போன்றவை இடம்பெற்றிருந்தன. யானை, புலி, மான் உள்ளிட்ட விலங்குகளின் உருவங்கள் அச்சிடப்பட்டிருந்தன.

1947 சுதந்திரத்துக்குப் பிறகு, இந்திய ரூபாய் நோட்டுகள் மெதுவாக மாற்றமடைந்து, அசோக சிங்கம், இந்திய பாரம்பரிய சின்னங்கள், விவசாயிகளின் புகைப்படங்கள், அருங்காட்சியகங்கள், ஆர்யபட்டா செயற்கைக்கோள் போன்றவை இடம்பெற்றன.

காந்தியின் படம் எப்படி வந்தது?

ரிசர்வ் வங்கியின் (RBI) தகவலின்படி, ரூபாய் நோட்டில் எந்த நபரின் படம் இடம்பெற வேண்டும் என பரிசீலனைகள் நடத்தப்பட்டன. ரவீந்திரநாத் தாகூர், அன்னை தெரசா, அபுல் கலாம் ஆசாத் போன்றோர் பெயரும் பரிந்துரைக்கப்பட்டது.

ஆனால் இறுதியில் ஒருமனதாக மகாத்மா காந்தியின் பெயர் தேர்ந்தெடுக்கப்பட்டது. காரணம்? தேசிய சிந்தனைக்கு பொதுவாக ஏற்ற, அனைவராலும் மதிக்கப்படும் ஒரே பிரமுகர் என்பது காந்தி என்பதே ரிசர்வ் வங்கியின் முடிவு.

🗓 காந்தி புகைப்பட வரலாறு:

• 1969 – ரூ.100 நினைவு நோட்டில் காந்தி படம் முதன்முதலாக அச்சிடப்பட்டது (பிறந்த நூற்றாண்டு ஆண்டு).

• 1987 – ரூ.500 நோட்டில் காந்தி படம் தோன்றியது.

• 1996 – “மகாத்மா காந்தி தொடர்” என்ற புதிய வடிவத்தில் ரூபாய் நோட்டுகள் வெளியிடப்பட்டன. இதில் சிறந்த பாதுகாப்பு அம்சங்கள் கொண்டும், காந்தியின் உருவத்துடன் வெளியிடப்பட்டது.

RBI ஆவணப்படம் – “RBI Unlocked: Beyond the Rupee”

இந்த ஆவணப்படம், இந்திய நாணய நிர்வாகம், பாதுகாப்பு கொள்கைகள், மற்றும் நாட்டின் ஒட்டுமொத்த பண விநியோக செயற்பாடு பற்றி விளக்குகிறது.

ரயில், விமானம், நீர்வழிகள் என அனைத்து வழிகளிலும் பணத்தை நாடு முழுவதும் பாதுகாப்பாக கொண்டு செல்லும் செயல்முறை இதில் உள்ளடக்கப்பட்டுள்ளது.

முக்கிய குறிக்கோள்: நாட்டின் எப்பகுதியிலும் இருந்தாலும், மக்கள் பாதுகாப்பான, தரமான ரூபாயை பெற்றே ஆக வேண்டும் என்பது ரிசர்வ் வங்கியின் குறிக்கோள் என அதிகாரிகள் தெரிவித்துள்ளனர்.