இவளை யார் கட்டுப்படுத்துவாங்க! எக்ஸ்மென்: டார்க் பீனிக்ஸ் டிரைலர் ரிலீஸ்!

எக்ஸ்மென் பட வரிசையின் புதிய பாகமான எக்ஸ்மென்: டார்க் பீனிக்ஸ் டிரைலர் வெளியாகி உலகமெங்கும் யூடியூப் டிரெண்டிங்கில் முதலிடம் பிடித்துள்ளது.

கேம் ஆப் த்ரோன்ஸ் புகழ் சோபி டர்னர் ஜீன் க்ரே எனும் பீனிக்ஸ் பறவை சக்தி கொண்ட வில்லியாக நடித்துள்ளார். எக்ஸ்மென்களில் ஒருவராக உள்ள ஜீன் க்ரேவே எக்ஸ்மென்களுக்கு வில்லியாக மாறினால் என்ன நடக்கும் என்பதை மையமாக வைத்து இந்த புதிய பாகம் எடுக்கப்பட்டுள்ளது.

சோபி டர்னருடன், முந்தைய எக்ஸ்மென் பாகத்தில் நடித்த நடிகர்களான ஜேம்ஸ் மெக் ஆவே, மைக்கேல் ஃபாஸ்பாண்டர், ஜெனிபர் லாரன்ஸ் உள்ளிட்டோரும் இந்த பாகத்திலும் நடித்துள்ளனர்.

புரொபஸர் எக்ஸ் கதாபாத்திரத்தில் இந்த படத்திலும் தொடரும் ஜேம்ஸ் மெக் ஆவே, தனது மூளையின் சக்தியால், ஜீன் க்ரேவின் சக்தியை உணர முயல்கிறார். இவள் நம் எல்லோரையும் அழித்து விடுவாள் என எச்சரிக்கை செய்கிறார். காந்த மனிதன், நெருப்பு மனிதன், என ஒவ்வொரு எக்ஸ்மென் சக்திகளையும் காலி செய்யும் காளியாக நெருப்பில் விழுந்து எரிந்தாலும், மீண்டும் பறக்கும் பீனிக்ஸ் பறவையாக நடித்துள்ள சோபி டர்னரை எப்படி எக்ஸ்மென் குழு கட்டுப்படுத்தப் போகிறது என்பது ரசிகர்களுக்கு இப்போதிலிருந்தே த்ரில்லிங்கான எதிர்பார்ப்பை எகிற வைத்துள்ளது.

இந்த ஆண்டு ஜூன் 7ம் தேதி இந்த படம் உலம் முழுவதும் ரிலீசாகிறது.