சினிமா செய்திகள்
தரமான சம்பவங்கள இனிமே தான் பாக்கப்போற.. பேட்ட டிரைலர் ரிலீஸ்!
ரஜினியின் அல்ட்ரா ஸ்டைல் மற்றும் மரண மாஸில் உருவாகியுள்ள பேட்ட படத்தின் டிரைலர் தற்போது வெளியாகியுள்ளது.
கார்த்திக் சுப்பராஜ் இயக்கத்தில் சூப்பர்ஸ்டார் ரஜினி மீண்டும் 20 ஆண்டுகளுக்கு முன்பிருந்த இளமையான தோற்றத்தில் அசத்தியுள்ளார். கெடா மீசையுடன் வரும் மதுரக்காரன் பிளாஷ்பேக் மற்றும் தாடியுடன் வரும் அல்ட்ரா ஸ்டைல் ரஜினி என இரண்டு தோற்றத்திலும் அசத்துகிறார்.
இன்று காலை 11 மணிக்கு பேட்ட டிரைலர் வெளியாகும் என அறிவிக்கப்பட்ட நிலையில், ரசிகர்களை காக்க வைக்கக் கூடாது என முன்னதாகவே 10.25 மணிக்கு பேட்ட டிரைலரை சன் பிக்சர்ஸ் வெளியிட்டுள்ளது.
சமீபத்தில் வெளியான சர்கார் டிரைலர் படைத்த சாதனையை பேட்ட டிரைலர் முறியடிக்கும் என ரஜினி ரசிகர்கள் சமூக வலைதளங்களில் டிரெண்டாக்கும் முயற்சியில் காலை முதலே தயார் நிலையில் உள்ளனர்.
தலைவர் தரிசனம் நிச்சயம் ரசிகர்களுக்கு பெரும் புத்துணர்ச்சி தீயை மூட்டும் விதமாகவே அமைந்துள்ளது.
டீஸரில் ரஜினியை மட்டுமே காண்பித்த நிலையில், டிரைலரில், சிம்ரன், த்ரிஷா, பாபி சிம்ஹா, சசிகுமார், நவாசுதின் சித்திக், விஜய்சேதுபதி, மேகா ஆகாஷ் என அனைத்து நட்சத்திரங்களையும் காண்பித்துள்ளனர்.
ஜாலியான ரஜினியாகவும் ஆக்ரோஷமான காளியாகவும் ரஜினி அசத்தியுள்ளார்.
கொலை காண்டுல இருக்கேன்.. டவுசரோ கழட்டிட்டு ஓடவிடுவேன்.. ஸ்வீட் சாப்பிட போறோம் என பல பன்ச் வசனங்களை பறக்கவிட்டுள்ளார் ரஜினி.
