தமிழ்நாடு
ஓய்வுநாளில் அரசு ஊழியர்கள் இடைநீக்கம் செய்யப்படமாட்டார்கள் – விதிகளில் திருத்தம் செய்து தமிழக அரசு புதிய அரசாணை!
தமிழக அரசு ஓய்வுபெறும் நாளில் அரசு ஊழியர்களையும் ஆசிரியர்களையும் இடைநீக்கம் செய்யும் நடைமுறையை முற்றிலும் ரத்து செய்துள்ளது.
முன்னதாக, 2021-ம் ஆண்டு சட்டப்பேரவையில் முதலமைச்சர் மு.க. ஸ்டாலின், ஓய்வுநாளில் அரசு ஊழியர்கள் பணி இடைநீக்கம் செய்யப்படமாட்டார்கள் என அறிவித்திருந்தார். இதற்கான அரசாணையும் வெளியிடப்பட்டது. எனினும் நடைமுறையில், சில ஊழியர்கள் ஓய்வுநாளிலேயே இடைநீக்க நடவடிக்கைக்கு உள்ளாகி வந்ததால் அதிருப்தி ஏற்பட்டது.
இந்நிலையில், அரசு மீண்டும் தெளிவுபடுத்தியுள்ளது. இனி ஓய்வுபெறும் நாளில் அரசு ஊழியர்கள் மற்றும் ஆசிரியர்கள் மீது இடைநீக்கம் செய்யும் நடைமுறை இருக்காது. இதனை உறுதிப்படுத்தும் வகையில் விதிகளில் திருத்தமும் செய்யப்பட்டு, புதிய அரசாணை வெளியிடப்பட்டுள்ளது.
