தென் மாவட்ட ரெயில்களின் போக்குவரத்தில் மாற்றம்: முழுவிபரங்கள்!

திருமங்கலம் மற்றும் துலுக்கப்பட்டி இடையிலான இரட்டை அகல ரயில்பாதை பணி முடிந்து ஆய்வு நடைபெற இருப்பதை அடுத்து தென் மாவட்டங்களில் இருந்து வரும் ரயில்களின் போக்குவரத்தில் சில மாற்றங்கள் செய்யப்பட்டுள்ளது. அந்த மாற்றங்கள் குறித்து தென்னக ரயில்வே வெளியிட்டுள்ள அறிக்கையில் கூறியிருப்பதாவது:

திருச்சியில் இருந்து மதுரை வழியாக திருவனந்தபுரம் வரை இயக்கப்படும் இன்டர்சிட்டி சிறப்பு ரெயில் (வ.எண்.0262/.02628) வருகிற 21-ந் தேதி முதல் 30-ந் தேதி வரை இருமார்க்கங்களிலும் முழுமையாக ரத்து செய்யப்படுகிறது.

* சென்னை-நாகர்கோவில் சிறப்பு ரெயில் (வ.எண்.06063) வருகிற 25-ந் தேதியும், மறுமார்க்கத்தில் நாகர்கோவிலில் இருந்து புறப்படும் ரெயில் (வ.எண்.06064) வருகிற 26-ந் தேதியும் முழுமையாக ரத்து செய்யப்படுகிறது.

* தாம்பரம்-நாகர்கோவில் சிறப்பு ரெயில் (வ.எண்.06065) வருகிற 28, 29-ந் தேதிகளிலும், மறுமார்க்கத்தில் நாகர்கோவிலில் இருந்து வருகிற 29, 30-ந் தேதிகளில் தாம்பரம் புறப்படும் சிறப்பு ரெயில் (வ.எண்.06066) ஆகியன முழுமையாக ரத்து செய்யப்படுகின்றன.

* குருவாயூர்-சென்னை எக்ஸ்பிரஸ் ரெயில் (வ.எண்.06128) நாளை (சனிக்கிழமை) முதல் வருகிற 29-ந் தேதி வரையிலும், மறுமார்க்கத்தில் சென்னை-குருவாயூர் எக்ஸ்பிரஸ் (வ.எண்.06127) வருகிற 21-ந் தேதி முதல் 30-ந் தேதி வரை நெல்லை-சென்னை இடையே பகுதியாக ரத்து செய்யப்படுகிறது.

* சென்னை-நெல்லை எக்ஸ்பிரஸ் (வ.எண்.02631) வருகிற 25-ந் தேதி முதல் 29-ந் தேதி வரையிலும், மறுமார்க்கத்தில் நெல்லை-சென்னை எக்ஸ்பிரஸ் (வ.எண்.02632) வருகிற 26-ந் தேதி முதல் 30-ந்தேதி வரை நெல்லை-மதுரை இடையே பகுதியாக ரத்து செய்யப்படுகிறது. அதாவது இந்த ரெயில் சென்னையில் இருந்து மதுரை வரை இயக்கப்படும். மதுரையில் இருந்து சென்னைக்கு செல்லும்.

* நாகர்கோவில்-கோவை எக்ஸ்பிரஸ் ரெயில் (வ.எண்.06321/06322) வருகிற 21-ந்தேதி முதல் 30-ந் தேதி வரை இரு மார்க்கங்களிலும் நெல்லை-மதுரை இடையே பகுதியாக ரத்து செய்யப்படுகிறது.

* புனலூர்-மதுரை சிறப்பு ரெயில் (வ.எண்.06730) வருகிற 26-ந் தேதி முதல் 29-ந் தேதி வரையிலும், மறுமார்க்கத்தில் மதுரை-புனலூர் சிறப்பு ரெயில் (வ.எண்.06729) வருகிற 27-ந் தேதி முதல் 30-ந் தேதி வரை நெல்லை-மதுரை இடையே பகுதியாக ரத்து செய்யப்படுகிறது.

* கோவை-நாகர்கோவில் சிறப்பு ரெயில் (வ.எண்.02668) வருகிற 26-ந் தேதி முதல் 29-ந் தேதி வரையிலும், மறுமார்க்கத்தில் நாகர்கோவில்-கோவை சிறப்பு ரெயில் (வ.எண்.02667) வருகிற 27-ந் தேதி முதல் 30-ந் தேதி வரை நெல்லை-மதுரை இடையே பகுதியாக ரத்து செய்யப்படுகிறது.

* மைசூர்-தூத்துக்குடி சிறப்பு ரெயில் (வ.எண்.06236) வருகிற 29-ந் தேதியும் மறுமார்க்கத்தில் தூத்துக்குடி-மைசூர் சிறப்பு ரெயில் (வ.எண்.06235) 30-ந் தேதியும் நெல்லை- மதுரை இடையே பகுதியாக ரத்து செய்யப்படுகிறது.

* சென்னை-செங்கோட்டை சிலம்பு எக்ஸ்பிரஸ் ரெயில் (வ.எண்.06181) 25-ந் தேதி முதல் 27-ந் தேதி வரையிலும், மறுமார்க்கத்தில் செங்கோட்டை-சென்னை சிலம்பு எக்ஸ்பிரஸ் (வ.எண்.06182) 26-ந் தேதி முதல் 28-ந் தேதி வரையிலும் மானாமதுரை வரை மட்டும் இயக்கப்படும்.

* நாகர்கோவிலில் இருந்து வருகிற 30-ந் தேதி மும்பை செல்லும் சிறப்பு ரெயில் (வ.எண். 06340) மதுரை வழியாக இயக்கப்படுவதற்கு பதிலாக திருவனந்தபுரம், சொரனூர் வழியாக இயக்கப்படும்.