சினிமா
‘பிக் பாஸிலிருந்து’ எவிக்ட் ஆன பின் சனம் வெளியிட்ட முதல் வீடியோ!- ரசிகர்களுக்கு க்யூட் ரிக்வஸ்ட்
‘பிக் பாஸ்’ சீசன் 4-ல் ஒரு போட்டியாளராக சனம் ஷெட்டி பங்கேற்றார். அவர் கடந்த வாரம் எவிக்ட் செய்யப்பட்டார். அவரின் வெளியேற்றத்துக்கு பிக் பாஸின் பல ரசிகர்கள் எதிர்ப்பு தெரிவித்தனர் என்பது குறிப்பிடத்தக்கது. மீண்டும் அவர் வைல்டு கார்டு மூலம் பிக் பாஸ் வீட்டுக்கு என்ட்ரி கொடுப்பார் என்று சொல்லப்படுகிறது. இப்படியான சூழலில், பிக் பாஸிலிருந்து வெளியேறிய பின்னர், முதன்முறையாக வீடியோ வெளியிட்டுள்ளார் சனம்.
அதில் அவர், ‘அனைவருக்கும் வணக்கம். தலைவர் ரஜினிக்கு பிறந்தநாள் வாழ்த்துகள். பிக் பாஸ் வீட்டில் இருந்ததால், சரியான ஓய்வு, சாப்பாடு இல்லை. அதனால் வெளியே வந்த பின்னர் ஓய்வு எடுத்து, குடும்பத்துடன் நேரம் செலவிட்டேன். எனக்கு பிக் பாஸ் வீட்டில் இருந்தபோது ஆதரவு அளித்த அனைவருக்கும் நன்றி. தமிழகத்தில் இருந்து மட்டுமல்லாமல் உலகம் முழுவதும் இருக்கும் தமிழர்கள் எனக்கு ஆதரவு கொடுத்துள்ளார்கள். அதற்கு மிக மிக நன்றி. இதுநாள் வரை எனக்கு மக்கள் அங்கீகாரம் அந்தளவுக்குக் கிடைக்காமல் இருந்தது. ஆனால் பிக் பாஸ் நிகழ்ச்சியில் பங்கேற்றதன் மூலம் மக்கள் மத்தியில் அங்கீகாரமும் அவர்கள் மனதில் இடமும் பிடித்துவிட்டேன். அதற்கு விஜய் டிவிக்கு நன்றி. பிக் பாஸ் வீட்டில் எனது பயணம் முடிந்திருக்கலாம். ஆனால், என் திரை வாழ்க்கை இப்போதுதான் ஆரம்பிக்கிறது. அதனால் மக்களின் ஆதரவு எனக்குத் தொடர்ந்து தேவைப்படுகிறது.
View this post on Instagram
நான் ஹீரோயினாக நடித்த ‘எதிர்வினையாற்று’ திரைப்படம் கூடிய விரைவில் தியேட்டரில் ரிலீசாக உள்ளது. அதற்கும் உங்கள் அன்பும் ஆதரவும் தேவைப்படுகிறது. என் பெயரில் சமூக வலைதளங்களில் பல போலிக் கணக்குகள் உள்ளதாக அறிகிறேன். அதையெல்லாம் நம்பாதீர்கள். எனது அதிகாரப்பூர்வ கணக்குகள் மூலம் மட்டும் உங்களுடன் நான் தொடர்ந்து தொடர்பில் இருப்பேன்’ என்று கூறியுள்ளார்.
