ரஜினியின் அடுத்த படத்தை இயக்கவிருப்பது இந்த இளம் இயக்குனரா?

சூப்பர் ஸ்டார் ரஜினிகாந்த் நடித்து வரும் ’அண்ணாத்த’ படத்தின் படப்பிடிப்பு ரஜினியின் உடல் நலக்குறைவு காரணமாக ஒத்திவைக்கப்பட்டது என்பதும் இந்த படத்தின் அடுத்தகட்ட படப்பிடிப்பு விரைவில் தொடங்க இருப்பதாக கூறப்படுகிறது. ஏற்கனவே இந்த படம் வரும் தீபாவளி அன்று ரிலீசாகும் என சன் பிக்சர்ஸ் நிறுவனம் அதிகாரபூர்வமாக அறிவித்துள்ளது என்பதால், இந்த படத்தின் படப்பிடிப்பு மார்ச் மாதம் அல்லது ஏப்ரல் மாதம் தொடங்கும் என்று எதிர்பார்க்கப்படுகிறது.

இந்த நிலையில் ’அண்ணாத்த’ படத்தை முடித்துவிட்டு அடுத்ததாக ரஜினி நடிக்கும் படம் குறித்த தகவல் தற்போது வெளிவந்துள்ளது. சமீபத்தில் ரஜினியை இயக்குனர் கார்த்திக் சுப்புராஜ் சந்தித்ததாகவும் இருவரும் அடுத்த படம் குறித்து ஆலோசனை செய்ததாகவும் கூறப்படுகிறது.

ரஜினி நடிப்பில் கார்த்தி சுப்புராஜ் இயக்கிய ’பேட்ட’ திரைப்படம் மிகப்பெரிய அளவில் ரசிகர்களின் வரவேற்பைப் பெற்ற நிலையில் மீண்டும் கார்த்திக் சுப்புராஜ் உடன் இணைந்து ரஜினிகாந்த் ஒரு படத்தில் நடிப்பார் என்று கூறப்பட்டது. அந்த வகையில் தற்போது ரஜினியின் 169வது படத்தை கார்த்திக் சுப்புராஜ் இயக்குவார் என்பது கிட்டத்தட்ட உறுதி செய்யப்பட்டுள்ளது.

இது குறித்த அறிவிப்பு விரைவில் வெளிவரும் என்று கூறப்படுகிறது. கடந்த சில ஆண்டுகளாக ரஜினிகாந்த் இளம் இயக்குனர்கள் படத்தில் நடித்து வரும் நிலையில் மீண்டும் கார்த்திக் சுப்பராஜ் இயக்கத்தில் நடிக்க உள்ளார் என்பது குறிப்பிடத்தக்கது