ஓய்வுக்குப் பிறகு மாதம் ₹20,000 வருமானம் தரும் அஞ்சல் அலுவலக SCSS திட்டம்!

ஓய்வுக்குப் பிறகு நிலையான மற்றும் பாதுகாப்பான வருமானத்தை விரும்புவோருக்கு, அஞ்சல் அலுவலக மூத்த குடிமக்கள் சேமிப்புத் திட்டம் (Senior Citizens Savings Scheme – SCSS) சிறந்த தேர்வாகும். அரசு ஆதரவு பெற்ற இந்தத் திட்டம் எந்த ஆபத்தும் இல்லாமல் அதிக வட்டி வருமானத்தை வழங்குகிறது.

யார் முதலீடு செய்யலாம்?

• 60 வயது மற்றும் அதற்கு மேற்பட்ட மூத்த குடிமக்கள்

• 55-60 வயது வரை தன்னார்வ ஓய்வு (VRS) பெற்ற அரசு ஊழியர்கள்

• பாதுகாப்பு சேவைகளில் (ராணுவம், விமானப்படை, கடற்படை) இருந்து ஓய்வு பெற்றவர்கள் 50 வயது முதல்

ஏன் SCSS திட்டம்?

• அதிகபட்ச ஆண்டு வட்டி விகிதம் 8.2%

• பெரும்பாலான வங்கிகளின் FD வட்டியை விட உயர்வு

• முதலீடு அரசு உத்தரவாதம் பெற்றதால் முழுப் பாதுகாப்பு

• வருமான வரிச் சட்டம் பிரிவு 80C கீழ் ₹1.5 லட்சம் வரை வரிச் சலுகை

• வட்டிக்கு மட்டும் வரி செலுத்த வேண்டியுள்ளது

மாதம் ₹20,000 சம்பாதிக்க எப்படி?

• அதிகபட்ச முதலீடு: ₹30 லட்சம்

• 8.2% வட்டியில் ஆண்டு வருமானம் ₹2.46 லட்சம்

• மாதாந்திர வட்டி வருமானம் சுமார் ₹20,500

• ₹15 லட்சம் முதலீட்டில் மாதம் ₹10,250 வருமானம் கிடைக்கும்

முக்கிய அம்சங்கள்:

• குறைந்தபட்ச முதலீடு: ₹1,000 (பின் ₹1,000 இன் மடங்குகள்)

• திட்ட காலம்: 5 ஆண்டு (3 ஆண்டு வரை நீட்டிக்கலாம்)

• முன்கூட்டியே மூடுவதற்கான வசதி

• துணைவியுடன் ஜாயிண்ட் அக்கவுண்ட் திறக்கலாம் (முதன்மை கணக்குதாரர் மட்டும் முதலீடு செய்ய முடியும்)

ஓய்வுக்குப் பிறகு மருத்துவச் செலவுகள் மற்றும் தனிப்பட்ட தேவைகளுக்கான பாதுகாப்பான மாதாந்திர வருமானத்தை விரும்புவோருக்கு, SCSS திட்டம் நிச்சயமாக ஒரு நம்பகமான வழி.