நலமுடன் திரும்பி வாரும் சகோதரரே! அமெரிக்கா செல்லும் டி.ஆருக்கு கமல் வாழ்த்து

மேல் சிகிச்சைக்காக அமெரிக்கா செல்ல இருக்கும் இயக்குனர் டி ராஜேந்தரை நலமுடன் திரும்பி வாருங்கள் சகோதரரே என கமல்ஹாசன் நேரில் வாழ்த்து தெரிவித்துள்ளார்.

சிம்புவின் தந்தையும் இயக்குனருமான டி ராஜேந்தர் கடந்த சில நாட்களுக்கு முன்னர் உடல் நலக்குறைவு காரணமாக மருத்துவமனையில் அனுமதிக்கப்பட்டார். அவருக்கு வயிற்றில் இரத்தக்கசிவு இருப்பதாகவும் ரத்தக்குழாயில் அடைப்பு இருப்பதாகவும் இதனால் அவருக்கு வெளிநாடு சென்று தான் சிகிச்சை அளிக்க வேண்டும் என்று மருத்துவர்கள் அறிவுறுத்தினர்.

இதனை அடுத்து சிங்கப்பூர் அல்லது அமெரிக்கா செல்ல டி ராஜேந்தர் குடும்பத்தினர் திட்டமிட்ட நிலையில் தற்போது அமெரிக்கா செல்ல முடிவு செய்யப்பட்டுள்ளது. கடந்த இரண்டு நாட்களுக்கு முன்னர் சிம்பு முன்னதாகவே அமெரிக்கா சென்று சிகிச்சைக்கான ஏற்பாடுகளை செய்தார்.

இந்த நிலையில் இன்று இரவு சென்னை விமான நிலையத்தில் இருந்து டி ராஜேந்தர் மற்றும் அவரது குடும்பத்தினர் அமெரிக்கா செல்ல இருப்பதாக கூறப்படுகிறது. இந்த நிலையில் சிகிச்சைக்காக அமெரிக்கா செல்ல இருக்கும் டி ராஜேந்தரை நேரில் சந்தித்த உலக நாயகன் கமல்ஹாசன் நலமுடன் திரும்பி வாரும் சகோதரரே என தனது டுவிட்டர் பக்கத்தில் அறிவித்துள்ளார்.

மேலும் டி ராஜேந்தர் மற்றும் குறளரசன் ஆகியோருடன் எடுத்து கொண்ட புகைப்படத்தையும் அவர் பதிவு செய்துள்ளார் என்பது குறிப்பிடத்தக்கது.

நலமுடன் திரும்பி வாரும் சகோதரரே!#TRajendar pic.twitter.com/TyTrNh4dhX

— Kamal Haasan (@ikamalhaasan) June 14, 2022