ஆர்.ஆர்.ஆர், கே.ஜி.எஃப் – 2, புஷ்பாவிற்கு அடுத்த பெரும் சாதனை படைக்கும் கங்குவா!

சூர்யா, பாபு டியோல், திஷா படானி உள்ளிட்டோர் நடித்திருக்கும் கங்குவா திரைப்படம் நவம்பர் 14ஆம் தேதி வெளியாக உள்ளது. ஸ்டுடியோ கிரீன் நிறுவனத்தின் கே.இ.ஞானவேல் ராஜா மற்றும் யூவி கிரியேஷன்ஸ் இணைந்து தயாரித்துள்ள இப்படம் சுமார் 300 கோடி ரூபாய் மாபெரும் பட்ஜெட்டில் உருவாக்கப்பட்டுள்ளது. தேவி ஸ்ரீ பிரசாத் இசையமைக்க, வெற்றி ஒளிப்பதிவை மேற்கொண்டுள்ளார்.

இந்த படத்திற்கு உலகம் முழுவதும் மிகப்பெரிய வரவேற்பு கிடைக்கும் என எதிர்பார்க்கப்படுகிறது. கங்குவா படம் உலகளவில் 10,000 திரையரங்குகளில் வெளியாகும் படம் என்ற பெரும் சாதனையை உருவாக்கியுள்ளது. ஜவான், ஆர்.ஆர்.ஆர், கே.ஜி.எஃப் – 2, புஷ்பா ஆகிய பிரமாண்ட படங்களின் பட்டியலில் கங்குவா இணைந்துள்ளது.

சிறப்பாக, இந்த படத்தின் படப்பிடிப்பு 7 நாடுகளை தாண்டி நடத்தப்பட்டு, ஹாலிவுட்டின் தொழில்நுட்ப வல்லுநர்கள் கலந்து கொண்டு மாபெரும் தொழில்நுட்பத் தகுதிகளை காட்சிப்படுத்தியுள்ளார்கள். பிரம்மாண்டமான காட்சிகளை தியேட்டரில் அனுபவிப்பதை மிஸ் செய்ய வேண்டாம் என படக்குழு ரசிகர்களுக்கு அறிவுறுத்தியுள்ளது.