வெற்றிமாறனின் இணை இயக்குனர் காலமானார்!

‘மதயானை கூட்டம்’ இயக்குனர் திரு விக்ரம் சுகுமாரன் அவர்கள் நேற்று இரவு 10.30 மணியளவில் மாரடைப்பு காரணமாக மதுரையில் காலமானார்.இவர் பிரபல இயக்குனர் வெற்றிமாறனிடம் பொல்லாதவன், ஆடுகளம் உள்ளிட்ட படங்களில் இணை இயக்குனராக பணியாற்றினார்.

மதுரையில் ஒரு தயாரிப்பாளரிடம் கதை சொல்லிவிட்டு, இரவு பஸ் ஏறும் போது நெஞ்சு வலி வர, மருத்துவமனை அழைத்துச் சென்றுள்ளார்கள். காப்பாற்ற முடியாமல் போனதாக தகவல் வெளியாகி உள்ளது

மனைவி மற்றும் குழந்தைகள் சென்னை ரெட் ஹில்ஸ் பகுதியில் உள்ளனர்

இன்று அவரது உடல் சென்னை கொண்டு வரப்பட்டு மாலை 3 மணி அளவில் சென்னை வீட்டில் இருந்து அருகிலுள்ள இடுகாட்டில் அவரது உடல் நல்லடக்கம் செய்யப்படுகிறது..