மீண்டும் ஒரு மலையாள ஹீரோ உடன் இணைந்த இயக்குநர் ராம்..!

இயக்குநர் ராம் நடிகர் மம்முட்டியைத் தொடர்ந்து மீண்டும் ஒரு மலையாள ஹீரோ உடன் இணைந்துள்ளாத்.

கடந்த 2018-ம் ஆண்டு இயக்குநர் ராம் நடிகர் மம்முட்டியை நாயகனாக வைத்து பேரன்பு என்னும் வெற்றிப்படத்தை தமிழில் வெளியிட்டிருந்தார். அதன் பின்னர் இயக்குநர் மிஷ்கினின் ‘சைகோ’ படத்தில் போலீஸ் அதிகாரியாக முக்கியக் கதாபாத்திரத்தில் நடித்து இருந்தார்.

தற்போது நடிகர் நிவின் பாலி உடன் ஒரு புதிய படத்தை இயக்குகிறார் ராம். சுரேஷ் காமாட்சி தயாரிக்கும் இந்தப் படத்தின் ஃபர்ஸ்ட் லுக் போஸ்டர் தற்போது வெளியாகி உள்ளது. இந்தப் படத்தில் நிவின் பாலி உடன் நடிகை அஞ்சலி மற்றும் நடிகர் சூரி முக்கியக் கதாபாத்திரங்களில் நடிக்கின்றனர்.

ஃபர்ஸ்ட் லுக் போஸ்டரில் உணவுச் சங்கிலியை குறிக்கும் வகையில் புலி, மான், முயல், மனிதன் உருவ சங்கிலி இடம் பெற்றுள்ளது. ராம் வழக்கம் போல் தனது யதார்த்த சினிமாவை அளிப்பார் என அவரது ரசிகர்கள் தற்போதே ஆவலுடன் காத்திருக்கத் தொடங்கி உள்ளதாக சமுக வலைதளங்களில் பதிவிட்டு வருகின்றனர்.

இந்தப் படத்துக்கு இசை அமைப்பாளர் யுவன் சங்கர் இசை அமைக்கிறார். இயக்குநர் ராம் உடன் யுவன் சங்கர் இணைவது ஐந்தாம் முறை என்பது குறிப்பிடத்தக்கது.

Excited and humbled to be working with award winning #DirectorRam on his next project alongside the talented @soorioffical and @yoursanjali ,music ???????? composed by the rockstar @thisisysr. ????️????️. The film is produced by @sureshkamatchi#Newproject #TamilFilms pic.twitter.com/7fsrjWAnlx

— Nivin Pauly (@NivinOfficial) August 3, 2021