நான் பணிபுரிந்ததிலேயே மிகச்சிறந்த இயக்குனர்: தனுஷ் கூறிய பிறந்த நாள் வாழ்த்து!

நான் இதுவரை பணிபுரிந்த உதவி இயக்குனர்களிலேயே மிகச்சிறந்த இயக்குனர்களில் ஒருவர் இவர்தான் என இயக்குனர் கார்த்திக் சுப்புராஜ்க்கு நடிகர் தனுஷ் தனது டுவிட்டர் பக்கத்தில் வாழ்த்து தெரிவித்துள்ளார்.

இயக்குநர் கார்த்திக் சுப்புராஜ் இன்று தனது பிறந்தநாளை கொண்டாடி வருகிறார். அமெரிக்காவில் சாப்ட்வேர் துறையில் பணிபுரிந்து கொண்டிருந்த கார்த்திக் சுப்புராஜ் அதன்பின் சினிமா மீது உள்ள ஆசை காரணமாக குறும்படங்கள் எடுத்து அதன்மூலம் ஓரளவுக்கு பிரபலமானார். அதன்பின்னர் பீட்சா என்ற திரைப்படத்தின் மூலம் இயக்குனராக அறிமுகமான கார்த்திக் சுப்புராஜ், அந்த திரைப்படம் மிகப்பெரிய வெற்றியை பெற்ற பின்னர் தொடர்ச்சியாக பல வெற்றி படங்களை இயக்கினார். குறிப்பாக சூப்பர் ஸ்டார் ரஜினிகாந்த் நடித்த பேட்ட திரைப்படம் அவருடைய சாதனைகளில் ஒன்று.

தற்போது தனுஷ் நடித்து முடித்துள்ள ’ஜகமே தந்திரம்’ என்ற படத்தை இயக்கி முடித்துள்ள கார்த்திக் சுப்பராஜ், அடுத்ததாக விக்ரம் மற்றும் துருவ் விக்ரம் இணைந்து நடிக்கும் படத்தை இயக்கி வருகிறார். இந்த நிலையில் இயக்குனர் கார்த்திக் சுப்புராஜ் இன்று பிறந்தநாளை கொண்டாடுவதை அடுத்து திரையுலக பிரபலங்கள் வாழ்த்துக்களை தெரிவித்து வரும் நிலையில் சற்றுமுன் தனுஷ் தனது ட்விட்டர் பக்கத்தில் ’நான் பணிபுரிந்த இயக்குனர்களில் மிகச்சிறந்த இயக்குனர்களில் ஒருவர் கார்த்திக் சுப்புராஜ் என்றும் அவருக்கு எனது இனிய பிறந்தநாள் வாழ்த்துக்கள் என்றும் தெரிவித்துள்ளார்.

Wishing you a very happy birthday @karthiksubbaraj you are easily one of the best directors I have worked with. Keep rocking. God bless

— Dhanush (@dhanushkraja) March 18, 2021