அடுத்தடுத்த சலுகை அறிவிப்புகள்: ரூ.1199க்கு விமான பயணம்.. முழு விபரங்கள்..!

கோடை காலம் தொடங்க உள்ளதை அடுத்து சுற்றுலா பயணிகள் எண்ணிக்கை அதிகரிக்கும் என்று கூறப்படுகிறது. இதனை அடுத்து விமான நிறுவனங்கள் சுற்றுலா பயணிகளின் வசதியை முன்னிட்டு விமான கட்டணங்களை குறைத்து வருகின்றன. போட்டி போட்டுக்கொண்டு ஒரு சில விமான நிறுவனங்கள் விமான கட்டணங்களை குறைத்து பயணிகளை ஈர்க்கும் நடவடிக்கையை எடுத்து வருகிறது என்பது குறிப்பிடத்தக்கது.

அந்த வகையில் கடந்த சில நாட்களுக்கு முன்னர் இண்டிகோ நிறுவனம் விமான பயணிகளுக்கு சில சலுகைகளை அறிவித்த நிலையில் தற்போது கோ பர்ஸ்ட் விமான நிறுவனமும் சிறப்பு கட்டன அறிவிப்பை வெளியிட்டுள்ளது. இதன்படி உள்நாட்டு விமான பயணம் ரூபாய் 1199 முதல் ஆரம்பமாகியுள்ளதாகவும் சர்வதேச விமான பயணம் ரூபாய் 6,539 லிருந்து ஆரம்பமாகும் தகவல்கள் வெளியாகி உள்ளன.

குறைந்த கட்டண விமான சேவையான Go First பிப்ரவரி 23 அன்று கட்டண சலுகை விற்பனையை அறிவித்தது. ஏனெனில் இந்திய கோடைகால பயணம் தொடங்க உள்ளதை அடுத்து விமான நிறுவனங்கள் இடையே சலுகைகளை அறிவிப்பதில் போட்டி ஏற்பட்டுள்ளது. உள்நாட்டு கட்டணங்கள் ரூ.1,199 முதல் தொடங்கும் என கோ ஃபர்ஸ்ட் தெரிவித்துள்ளது. சர்வதேச விமானங்களுக்கு, கட்டணம் 6,139 ரூபாயில் இருந்து தொடங்குகிறது என அறிவித்துள்ளது. இந்த சலுகை பிப்ரவரி 24 வரை நீடிக்கும், அதே நேரத்தில் பயணக் காலம் மார்ச் 12 முதல் செப்டம்பர் 30 வரை நீடிக்கும் என்றும் அறிவிக்கப்பட்டுள்ளது.

ஏற்கனவே இண்டிகோ நிறுவனம் உள்நாட்டு விமான டிக்கெட்டுகளை ரூ.2,093க்கு ஆரம்ப விலையில் வழங்கிய ஒரு நாள் கழித்து கோஃபர்ஸ்ட் நிறுவனம் இந்த அறிவிப்பை வெளியிட்டுள்ளது

இண்டிகோவின் சலுகை பிப்ரவரி 25 வரை தொடரும் என்றும், முன்பதிவு செய்யக்கூடிய பயணக் காலம் மார்ச் 13 முதல் அக்டோபர் 13, 2023 வரை என்றும் அறிவிக்கப்பட்டுள்ளது.

flight

இந்த ஆண்டு ஜனவரியில் மட்டும் உள்நாட்டு விமானப் போக்குவரத்தில் 125.42 லட்சம் பயணிகள் பயணம் செய்துள்ளனர். கடந்த ஆண்டைக் காட்டிலும் இது இரு மடங்கு என சிவில் விமானப் போக்குவரத்து இயக்குநரகம் (டிஜிசிஏ) வெளியிட்ட டேட்டாவில் கூறப்பட்டுள்ளது. ஆனால் அதே நேரத்தில் விமான போக்குவரத்து இன்னும் கோவிட்-க்கு முந்தைய நிலைகளை விட குறைவாகவே உள்ளது. ஜனவரி 2020 இல், உள்நாட்டு விமான நிறுவனங்கள் 127.83 லட்சம் பயணிகள் பயணம் செய்தனர் என்பது குறிப்பிடத்தக்கது.