வணிகம்
8வது ஊதியக்குழுவில் மூத்த எழுத்தர்களுக்கு கிடைக்கப்போகும் சம்பள உயர்வு எவ்வளவு? முழு விவரம் இங்கே!
8வது ஊதியக்குழுவுக்காக காத்திருக்கும் மத்திய அரசு ஊழியர்களுக்கு மகிழ்ச்சி தரும் செய்தி. விரைவில் அமலுக்கு வரும் இந்த குழுவின் பரிந்துரைகளால், குறிப்பாக மூத்த எழுத்தர்கள் மற்றும் கீழ்த் தரப்புப் பணியாளர்களின் சம்பளத்தில் பெரிய உயர்வு ஏற்பட உள்ளது.
தற்போது, மூத்த எழுத்தர்களின் சம்பள நிலை (Pay Level 5) அடிப்படை ஊதியம் ₹29,200 ஆக உள்ளது. இதனுடன் பல்வேறு அலவன்சுகள், அகவிலைப்படி (DA), வீட்டு வாடகை கொடுப்பனவு (HRA) போன்றவை சேர்ந்து அதிகமாகக் கிடைக்கின்றன.
8வது ஊதியக்குழுவில் அதிகம் பேசப்படும் அம்சம் ஃபிட்மென்ட் ஃபாக்டர் (Fitment Factor). இது பழைய அடிப்படை ஊதியத்தில் பெருக்கப்பட்டு புதிய அடிப்படை ஊதியம் நிர்ணயிக்கப்படும். தற்போது இது 1.92 முதல் 3.0 வரை இருக்கும் என ஊகிக்கப்படுகிறது. ஆனால், பல நிபுணர்கள் 2.86 ஃபிட்மென்ட் ஃபாக்டர் அதிக வாய்ப்புள்ளதாகக் கூறுகின்றனர்.
👉 2.86 ஃபிட்மென்ட் ஃபாக்டர் அமல்படுத்தப்பட்டால்:
மூத்த எழுத்தரின் அடிப்படை சம்பளம் சுமார் ₹83,000 ஆக உயரும்.
இதனுடன் DA, HRA மற்றும் பிற கொடுப்பனவுகள் சேர்க்கப்பட்டால், மொத்த சம்பள தொகுப்பு மிக அதிகமாக உயர்வு காணும்.
இதனால், மத்திய அரசு ஊழியர்கள் மற்றும் ஓய்வூதியதாரர்களின் பொருளாதார நிலை பெரிதும் மேம்படும்.
