வணிகம்
மத்திய அரசு ஊழியர்களுக்கு டிஏ உயர்வு – செப்டம்பரிலேயே அறிவிப்பு!
மத்திய அரசு ஊழியர்களுக்கு டிஏ உயர்வு – செப்டம்பரிலேயே அறிவிப்பு வரும் வாய்ப்பு!
மத்திய அரசு ஊழியர்களுக்கான அகவிலைப்படி (DA) உயர்வு தீபாவளிக்கு முன்பே, செப்டம்பர் 2025-இல் அறிவிக்கப்படலாம் என தகவல்கள் வெளியாகியுள்ளன. இந்த உயர்வு ஜூலை 1, 2025 முதல் அமலுக்கு வரும், மேலும் நிலுவைத் தொகையும் ஊழியர்களின் வங்கிக் கணக்கில் சேர்க்கப்படும்.
தற்போது 55% ஆக உள்ள டிஏ, 3% முதல் 4% வரை உயர்த்தப்பட்டு சுமார் 59% ஆகும் என எதிர்பார்க்கப்படுகிறது. வருடந்தோறும் பிப்ரவரி/மார்ச் மற்றும் செப்டம்பர்/அக்டோபர் மாதங்களில் இரண்டு முறை டிஏ உயர்வு அறிவிக்கப்படுவது வழக்கம்.
டிஏ உயர்வு எப்போது அறிவிக்கப்பட்டாலும், ஊழியர்களுக்கு நிலுவைத் தொகை முழுமையாக வழங்கப்படும் என்பதால் எந்த இழப்பும் ஏற்படாது. இதன் மூலம் ஊழியர்களின் சம்பளம் ஆண்டுதோறும் உயர்ந்து வருகிறது.
கோவிட் காலத்தில் நிறுத்தப்பட்ட 18 மாத டிஏ நிலுவை குறித்து ஊழியர்கள் தொடர்ந்து கோரிக்கை விடுத்து வருகிறார்கள். ஆனால் மத்திய அரசு இதுவரை எந்த அறிவிப்பையும் வெளியிடவில்லை. எட்டாவது ஊதியக் குழுவின் பரிந்துரைகள் ஜனவரி 1, 2026 முதல் அமலுக்கு வந்தால், அந்நிலுவை தொகையும் வழங்கப்படும் என ஊழியர்கள் நம்பிக்கை தெரிவித்துள்ளனர்.
