8வது ஊதியக் குழு: மத்திய அரசு ஊழியர்களுக்கான சம்பள உயர்வு எப்போது? முழு விபரம் இங்கே!

8வது ஊதியக் குழு அமலுக்கு மத்திய அரசு ஊழியர்கள் காத்திருக்கும் நிலையில், அனைத்து நிலை ஊழியர்களுக்கும் பெரும் சம்பள உயர்வு நடக்க இருக்கிறது.
இது பியூன்கள் முதல் ஐஏஎஸ் அதிகாரிகள் வரை அனைவரையும் பாதிக்கும் வகையில் இருக்கும்.

இந்நிலையில், பத்தாயிரக்கணக்கான ஊழியர்கள் மற்றும் ஓய்வூதியதாரர்கள், சம்பள உயர்வு எப்போது அமலாகும் என்பதற்காக காத்திருக்கிறார்கள். தற்போது நாடாளுமன்ற கூட்டத்தொடரிலும் சம்பளக் குழு அமைப்பது குறித்து விவாதங்கள் எழுந்துள்ளன.

திரிணாமுல் காங்கிரஸ் எம்.பி. சாகரிகா கோஷ், 8வது ஊதியக்குழு ஏன் இன்னும் அமைக்கப்படவில்லை என்ற கேள்வியை எழுப்ப, நிதித்துறை இணையமைச்சர் பங்கஜ் சவுத்ரி, “அதற்கான செயல்முறைகள் தொடங்கி விட்டது” என்ற பதிலை அளித்துள்ளார். இருப்பினும் அரசு அங்கீகாரம் மற்றும் அதிகாரபூர்வ அறிவிப்பு இன்னும் வரவில்லை.

ஃபிட்மெண்ட் ஃபாக்டர் உயர்வு
8வது ஊதியக் குழுவின் அடிப்படை புள்ளியாக இருக்கும் ஃபிட்மெண்ட் ஃபாக்டர் 1.92 முதல் 2.86 வரை இருக்கலாம் என மதிப்பீடுகள் கூறுகின்றன. இது ஊழியர்களின் அடிப்படை சம்பளத்தை ரூ.18,000-இலிருந்து ரூ.30,000 முதல் ரூ.50,000 வரை உயர்த்தும்.

IAS மற்றும் பிற உயர் நிலை அதிகாரிகள் சம்பள உயர்வு
தற்போது ஒரு IAS அதிகாரியின் தொடக்க சம்பளம் ரூ.56,100 ஆக இருந்தால், ஃபிட்மெண்ட் ஃபாக்டர் உயர்வு காரணமாக அவர்கள் சம்பளம் ரூ.1.5 லட்சம் வரை உயரக்கூடும். HRA, TA, மற்றும் மற்ற நலன்களுடன் இது மேலும் அதிகரிக்கும்.

குறைந்த நிலை ஊழியர்களுக்கும் பெரும் உயர்வு
பியூன் போன்ற தொடக்க நிலை பணியாளர்களுக்கும், அவர்களது ரூ.18,000 அடிப்படை சம்பளம் ரூ.54,000 வரை உயரும் வாய்ப்பு உள்ளது. இது முந்தைய IAS சம்பளத்துடன் ஒப்பிடும் அளவுக்கு அதிகம் ஆகும்.

சம்பள உயர்வு எப்போது அமலாகும்?
2026 லோக்சபா தேர்தலுக்கு முன்னதாகவே இந்த உயர்வு அறிவிக்கப்படும் என்ற எதிர்பார்ப்பு உண்டு. மேலும், நிதியமைச்சகத்தின் அனுமதி மற்றும் அமைச்சரவை ஒப்புதல் கிடைத்த பிறகு அதிகாரபூர்வமாக அறிவிக்கப்படும்.

8வது ஊதியக்குழு அமலாக்கம் ஊழியர்களுக்கு மட்டுமல்லாமல் நாட்டின் பொருளாதாரத்திற்கும் முக்கிய மையமாகும். இது மத்திய அரசு ஊழியர்களின் வாழ்க்கை தரத்தை உயர்த்தும் என்றும் எதிர்பார்க்கப்படுகிறது.