சினிமா
செப்டம்பர் 2024-ல் ஓடிடியில் வரவிருக்கும் தரமான படங்கள் – முழு லிஸ்ட்!
இந்த மாதம் (செப்டம்பர் 2024) பல தரமான திரைப்படங்கள் ஓடிடி தளங்களில் வெளியாகவுள்ளது. கடந்த மாதம் (ஆகஸ்ட்) திரையரங்குகளில் வெளியான பெரும் வெற்றிப் படங்களும் இம்மாதம் டிஜிட்டல் தளத்தில் ஒளிப்பரப்பாகவுள்ளன.
1. ரகு தாத்தா: கீர்த்தி சுரேஷ் நடிப்பில் வெளியாகியிருக்கும் ‘ரகு தாத்தா’, ஆகஸ்ட் 15ஆம் தேதி திரையரங்குகளில் வெளியானது. இத்திரைப்படம் கலவையான விமர்சனங்களைப் பெற்றாலும், செப்டம்பர் 13ஆம் தேதி Zee5 Tamil ஓடிடி தளத்தில் வெளியாகவுள்ளது.
2. தங்கலான்: பா. ரஞ்சித் இயக்கத்தில், விக்ரம், பார்வதி திருவோத்து, மாளவிகா மோகனன் மற்றும் பலர் நடித்த ‘தங்கலான்’ திரைப்படம், ஆகஸ்ட் 15 அன்று வெளியானது. இந்தப் படம் ரசிகர்களிடையே நல்ல வரவேற்பைப் பெற்றது, இப்போது செப்டம்பர் 20ஆம் தேதி நெட்ஃப்ளிக்ஸ் தளத்தில் வெளியாக இருக்கிறது.
3. ஸ்ட்ரீ 2: 2018-ம் ஆண்டு வெளியான ‘ஸ்ட்ரீ’ படத்தின் தொடர்ச்சியாக உருவான ‘ஸ்ட்ரீ 2’, ஆகஸ்ட் 15 அன்று திரையரங்குகளில் வெளியானது. இத்திரைப்படம் வசூல் சாதனை படைத்து, செப்டம்பர் 27ஆம் தேதி அமேசான் பிரைம் தளத்தில் வெளியாகவுள்ளது.
4. வாழை: மாரிசெல்வராஜ் இயக்கத்தில் உருவான ‘வாழை’ திரைப்படம், ஆகஸ்ட் 23 அன்று திரையரங்குகளில் வெளியானது. இது செப்டம்பர் 27ஆம் தேதி டிஸ்னி பிளஸ் ஹாட்ஸ்டார் தளத்தில் வெளியாக உள்ளது.
5. டிமாண்டி காலனி 2: அஜய் ஞானமுத்து இயக்கத்தில் 2015-ல் வெளியான ‘டிமாண்டி காலனி’ படத்தின் தொடர்ச்சியாக, ‘டிமாண்டி காலனி 2’ ஆகஸ்ட் 15 அன்று திரையரங்குகளில் வெளிவந்தது. இந்த திகில் திரைப்படம், செப்டம்பர் 27ஆம் தேதி Zee5 Tamil தளத்தில் வெளியாக இருக்கிறது.
இந்த மாதம் ஓடிடி தளங்களில் வெளியாகவுள்ள படங்களைப் பட்டியலில் மிஸ் செய்யாதீர்கள்!
