சினிமா செய்திகள்
சர்ச்சை காட்சி… சன் டிவிக்கு ரூ.2.5 லட்சம் அபராதம் விதித்த பிசிசிசி!
சன் டிவியில் ஒளிபரப்பாகி வரும் கல்யாண வீடு சீரியலில் மே மாதம் மற்றும் ஜூன் மாதம் சில சர்ச்சைக்குரிய காட்சிகள் இடம்பெற்று இருந்தது.
அந்த காட்சியில் சீரியலின் வில்லி சில ரவுடிகள் உதவியுடன் சொந்த சகோதரியைக் கூட்டுப் பாலியல் வன்புணர்வு செய்வது போலவும், பின்னர் அந்த ரவுடிகளை அதிக வன்முறையான காட்சிகளுடன் தண்டிப்பது போன்று காட்சிகளும் இருந்தன.
மக்கள் அதிகளவில் தொலைக்காட்சியைப் பார்க்கும் அந்த நேரத்தில் இப்படி ஒரு சர்ச்சைக்குரிய காட்சியை ஒளிபரப்புவதா என்று பிசிசிசி-க்கு சென்ற புகாரின் பேரில் தற்போது 2.5 லட்சம் ரூபாய் அபராதம் விதிக்கப்பட்டுள்ளது.
மேலும் ஒரு வாரத்திற்குக் கல்யாண வீடு தொடர் ஒளிபரப்புக்கு முன்பு மன்னிப்பு கேட்கும் வாசகங்கள் இடம்பெற வேண்டும் என்று கூறப்பட்டுள்ளது.