’தளபதி 66’ படத்தில் மகேஷ்பாபு மகளா?

தளபதி விஜய் நடிக்க இருக்கும் அடுத்த திரைப்படமான ’தளபதி 66’ என்ற படத்தின் அதிகாரபூர்வ அறிவிப்பு சமீபத்தில் வெளியானது என்பதும் இந்த படத்தை பிரபல தெலுங்கு இயக்குனர் வம்சி இயக்கவிருப்பதாகவும், பிரபல தெலுங்கு தயாரிப்பாளர் தில் ராஜூ தயாரிக்க இருப்பதாகவும் கூறப்பட்டது.

இந்த படத்தின் படப்பிடிப்பு அடுத்த ஆண்டு மே மாதம் தொடங்கும் என்று எதிர்பார்க்கப்படுகிறது. இந்த நிலையில் இந்த படத்தில் நடிக்கும் நடிகர் நடிகையர் மற்றும் தொழில்நுட்ப கலைஞர்கள் குறித்த பேச்சுவார்த்தை நடைபெற்று வருவதாக கூறப்படுகிறது.

ஏற்கனவே ராஷ்மிகா உள்பட மூன்று நாயகிகள் இந்த படத்தில் நடிக்க வாய்ப்பு இருப்பதாகவும் கூறப்பட்டு வருகிறது. இந்த நிலையில் இந்த படம் ஒரு அப்பா மகள் சென்டிமென்ட் கதையம்சம் கொண்டது என்றும் இந்த படத்தில் விஜய்யின் மகளாக நடிக்க பிரபல தெலுங்கு சூப்பர் ஸ்டார் மகேஷ் பாபுவின் மகளிடம் பேச்சுவார்த்தை நடத்தப்பட்டு வருவதாகவும் கூறப்பட்டது

ஏற்கனவே ‘தெறி’ திரைப்படத்தில் விஜய் மகளாக பிரபல நடிகை மீனாவின் மகள் நடித்திருந்தார் என்பது குறிப்பிடத்தக்கது. அதே படத்தில் விஜய்யின் மகளும் நடித்திருந்தார் என்பது தெரிந்ததே

இந்த நிலையில் ’தளபதி 66’ திரைப்படத்தில் மகேஷ்பாபுவின் மகள் நடிக்க அதிக வாய்ப்பு இருப்பதாக ஒருபக்கம் கூறப்பட்டாலும், தெலுங்கு திரையுலக வட்டாரங்களில் இருந்து வந்த தகவலின்படி இது முழுக்க முழுக்க ஒரு வதந்தி என்றும் மகேஷ் பாபுவின் மகள் திரைப்படத்தில் நடிக்க வாய்ப்பே இல்லை என்றும் கூறி வருகின்றனர். இது குறித்த உண்மைத் தகவலை படக்குழுவினர் வெளியிடுவார்களா என்பதை பொறுத்திருந்து பார்ப்போம்.