எம்.எல்.ஏ தேர்தலில் போட்டியிட நடிகர் விமல் மனைவி விருப்ப மனு… எந்தக் கட்சியில் தெரியுமா?

நடிகர் விமல் மனைவி வருகிற சட்டமன்றத் தேர்தலில் போட்டியிட விருப்ப மனு அளித்துள்ளார்.

நடிகர் விமலின் மனைவி அக்‌ஷயா வருகிற சட்டமன்ற தேர்தலில் எம்.எல்.ஏ பதவிக்குப் போட்டியிட விருப்ப மனு அளித்துள்ளார். விமல்- அக்‌ஷயா தம்பதியருக்கு இரண்டு குழந்தைகள் உள்ளனர். மருத்துவராகப் பணியாற்றும் அக்‌ஷயாவை காதலித்து திருமணம் செய்து கொண்டார் விமல்.

கொரோனா காலகட்டத்தில் அக்‌ஷயா நிறைமாத கர்ப்பிணியாக இருந்த போதும் தொடர்ந்து மருத்துவப் பணிகள் செய்தது அன்றைய சூழலில் சமுக வலைதளங்களில் வைரல் ஆனது. அக்‌ஷயா தற்போது திமுக சார்பில் போட்டியிட விருப்ப மனு அளித்துள்ளார். இன்று இது தொடர்பாக நடிகர் விமல், அவரது மனைவி அக்‌ஷயா ஆகிய இருவரும் திமுக அலுவலகத்தில் உதயநிதி ஸ்டாலினைச் சந்தித்துப் பேசினர்.

அக்‌ஷயா விமல் திருச்சி மணப்பாறை தொகுதியில் எம்.எல்.ஏ ஆக போட்டியிட விருப்ப மனு கொடுத்துள்ளார்.