110ஐயும் தாண்டி செல்கிறது பெட்ரோல் விலை: முடிவே இல்லையா?

கடந்த சில நாட்களாக பெட்ரோல் மற்றும் டீசல் விலை உயர்ந்து கொண்டே வருகிறது என்பதை பார்த்து வருகிறோம். இந்த நிலையில் நேற்று பெட்ரோல் விலை 110ஐயும், டீசல் விலை 100 ரூபாயையும் தாண்டியது என்பதை பார்த்து வந்த நிலையில் இன்று மீண்டும் உயர்ந்துள்ளதை அடுத்து பொதுமக்கள் மத்தியில் பெரும் அச்சம் ஏற்பட்டது.

இன்று பெட்ரோல் விலை லிட்டருக்கு 76 காசுகளும், டீசல் விலை லிட்டருக்கு 76 காசுகளும் உயர்ந்து உள்ளது அதிர்ச்சியை ஏற்படுத்தி உள்ளது. ஏற்கனவே அத்தியாவசிய பொருட்களின் விலை கடுமையாக உயர்ந்து வரும் நிலையில் பெட்ரோல் டீசல் விலை மேலும் பொதுமக்களுக்கு சுமையை ஏற்படுத்துகிறது என்பது குறிப்பிடத்தக்கது.

சென்னையில் இன்றைய பெட்ரோல் மற்றும் டீசல் விலை ஒரு தகவலைப் பார்ப்போம்.

இன்று பெட்ரோல் விலை லிட்டருக்கு 76 காசுகள் உயர்ந்து உள்ளது. இதனால் இன்று சென்னையில் பெட்ரோல் ஒரு லிட்டர் விலை ரூ. 110.85 என விற்பனையாகிறது.

சென்னையில் இன்று டீசல் விலை ஒரு லிட்டருக்கு 76 காசுகள் உயர்ந்து உள்ளது. இதனால் இன்று சென்னையில் ஒரு லிட்டர் டீசல் விலை ரூ.100.94 என விற்பனையாகிறது.