வணிகம்
EPFO: ஓய்வூதியதாரர்களுக்கு மகிழ்ச்சி செய்தி! இன்று முதல் புதிய நடைமுறை
EPFO ஓய்வூதியதாரர்களுக்கு புதிய மாற்றம்: நாடு முழுவதும் எந்த வங்கியிலும் ஓய்வூதியம் பெறலாம்!
ஊழியர்களின் வருங்கால வைப்பு நிதி அமைப்பின் (EPFO) ஓய்வூதியத் திட்டத்தில் பதிவு செய்துள்ள ஓய்வூதியதாரர்கள், இனி தங்கள் ஓய்வூதியத்தை பெற்றுக்கொள்ள குறிப்பிட்ட வங்கி அல்லது கிளைக்கு செல்ல வேண்டிய அவசியம் இல்லை. இன்று (ஜனவரி 1, 2025) முதல், நாடு முழுவதும் உள்ள எந்தவொரு வங்கிக் கிளையிலும் ஓய்வூதியத்தை பெற முடியும்.
இதற்கு முன், ஓய்வூதியதாரர்கள் தாங்கள் கணக்கு வைத்திருக்கும் குறிப்பிட்ட வங்கி அல்லது கிளையில் மட்டுமே ஓய்வூதியத்தைப் பெற முடிந்தது. இது வங்கி கிளையை மாற்ற வேண்டிய சூழலில் சிரமங்களை ஏற்படுத்தியதாகக் கூறப்பட்டுள்ளது.
மத்திய தொழிலாளர் மற்றும் வேலைவாய்ப்பு அமைச்சகம் இதுகுறித்து வெளியிட்ட அறிக்கையில், மத்திய அறங்காவலர் குழு (CBT) தலைவரான அமைச்சர் மன்சுக் மாண்டவியா, 1995 ஆம் ஆண்டு ஊழியர்கள் ஓய்வூதியத் திட்டத்துக்கான மத்திய ஓய்வூதிய செலுத்தும் முறையை (CPPS) அறிமுகப்படுத்த கடந்த செப்டம்பர் மாதம் ஒப்புதல் அளித்தார் எனத் தெரிவிக்கப்பட்டுள்ளது.
இந்த புதிய முறை மூலம், நாடு முழுவதும் உள்ள 78 லட்சத்திற்கும் மேற்பட்ட ஓய்வூதியதாரர்கள் இந்நோய்யா வசதியால் பயனடைவார்கள் என எதிர்பார்க்கப்படுகிறது.
இந்த மாற்றம் ஓய்வூதியதாரர்களின் சிரமங்களை குறைத்து, அவர்களுக்கு பெருமளவு வசதியை வழங்கும். குறிப்பாக வேறு இடத்துக்கு குடிபெயர்ந்த ஓய்வூதியதாரர்கள் இனி எந்தவொரு வங்கியிலும் ஓய்வூதியத்தை பெற முடியும் என்பது அவர்களுக்கு மிகப் பெரிய வரவேற்புடைய மாற்றமாக இருக்கும்.
EPFO ஓய்வூதியதாரர்கள் இந்த புதிய முறை மூலம் பல சிரமங்களிலிருந்து விடுபட்டு, கூடுதல் வசதிகளை அனுபவிக்க வாய்ப்புள்ளது.
