5 வருடத்தில் 6 லட்சம் வெளிநாட்டு இந்தியர்கள் குடியுரிமையை கைவிட்டனர்.. உள்துறை அமைச்சகத்தின் ஷாக் ரிப்போர்ட்

புதுடெல்லி: புதிய குடியுரிமை சட்டம் தொடர்பான விவாதத்தின் போது கடந்த 2015 முதல் 2019 வரையிலான காலகட்டங்களில் 6 லட்சத்துக்கும் மேற்பட்ட இந்தியர்கள் தங்கள் குடியுரிமையை கைவிட்டனர் என்று உள்துறை அமைச்சகம் மக்களவையில் தெரிவித்துள்ளது. இரட்டை குடியுரிமையை அனுமதிக்கும் எந்த திட்டங்களும் இல்லை என்றும் தெளிவுபடுத்தியுள்ளனர்.

சிவகங்கை தொகுதியை சேர்ந்த மக்களவை உறுப்பினர் கார்த்தி சிதம்பரம் எழுப்பிய கேள்விக்கு உள்துறை அமைச்சகம் எழுத்துபூர்வமாக பதிலளித்தது. அதில் மொத்தம் 1,24,99,395 இந்திய குடியுரிமை பெற்ற மக்கள் வெளிநாடுகளில் வசித்து வருவதாக கூறியுள்ளனர். வெளியுறவுத்துறை அமைச்சகத்தின் படி கடந்த 2015 ஆம் ஆண்டில் மட்டும் 1,41,656 இந்தியர்கள் இந்திய குடியுரிமையை கைவிட்டனர். அவர்கள் பிற நாடுகளின் குடியுரிமையை பெற்றுக்கொண்டனர்.

அதேபோல 2016 ஆம் ஆண்டில், இந்த எண்ணிக்கை 1,44,942 ஆக அதிகரித்துள்ளது. 2017 ஆம் ஆண்டில் 1,27,905 பேரும், 2018 ஆம் ஆண்டு 1,25,130 பேரும், 2019ல் 1,36,441 பேரும் இந்திய குடியுரிமையை கைவிட்டுள்ளனர். வேலைவாய்ப்பு மற்றும் கல்வியை இடம்பெயர்வுக்கான முதன்மை பொருளாதார காரணங்களாக அமைச்சகம் பட்டியலிட்டுள்ளது.

இந்திய அரசியலமைப்பு சட்டத்தின் படி, ஒருவர் வேறு ஒரு வெளிநாட்டின் குடியுரிமையையும், இந்திய குடியுரிமையையும் ஒரே நேரத்தில் வைத்திருக்க அனுமதி கிடையாது. பொதுவாக வெளிநாடுகளில் வசிக்க தொடங்கிய இந்தியர்களுக்கு இந்தியாவின் வெளிநாட்டு குடியுரிமையை (OCI) தான் மத்திய அரசு வழங்குகிறது. பாகிஸ்தான் மற்றும் பங்களாதேஷ் தவிர பிற நாடுகளில் குடியேறிய இந்திய வம்சாவளியை சேர்ந்தவர்கள் தங்கள் சொந்த நாடுகள் இரட்டை குடியுரிமையை அனுமதிக்கும் வரை இந்தியாவின் வெளிநாட்டு குடியுரிமையை (OCI) பெற தகுதி உடையவர்கள்.

Also Read: அவசரப்பட்டு அமீரகம் வந்து சிக்கிக்கொள்ளாதீங்க.. இந்தியர்களுக்கு தூதரகம் வழங்கிய அறிவுரை!

ஒருவர் 5 ஆண்டுகளுக்கு அயல்நாட்டு இந்திய குடியுரிமையை பெற விண்ணப்பித்த ஒருவர் அதற்கு முன் ஐந்து ஆண்டுகளில் ஒரு வருடம் இந்தியாவில் வசித்து வந்தால். குடியுரிமைச் சட்டம், 1955 இன் பிரிவு 5 (1) (கிராம்) இன் கீழ் இந்திய குடியுரிமை வழங்க விண்ணப்பிக்க தகுதியுடையவர் ஆவார்.

26.01.1950 அன்று இந்தியாவின் குடிமகனாக தகுதி பெற்றவர் அல்லது 26.01.1950 க்குப் பிறகு அல்லது எப்போது வேண்டுமானாலும் இந்திய குடிமகனாக இருந்தவர் அல்லது 15.08.1947 க்குப் பிறகு இந்தியாவின் ஒரு பகுதியாக மாறிய ஒரு பிராந்தியத்தைச் சேர்ந்தவர் மற்றும் அவருடைய குழந்தைகள் மற்றும் பேரக்குழந்தைகள், அவர் குடியுரிமை பெற்ற நாடு இரட்டை குடியுரிமையை ஏதேனும் ஒரு வடிவத்தில் அனுமதித்தால், இந்திய வெளிநாட்டு குடிமகனாக (OCI) பதிவு செய்ய தகுதியுடையவர்.