பிரபல நடிகர் விஜய் சேதுபதி வீட்டில் அதிரடி ரெய்டு!

தமிழ் சினிமாவில் முன்னணி நடிகராக வலம் வருபவர் நடிகர் விஜய் சேதுபதி. இவரது வீட்டில் வருமான வரித்துறையினர் அதிரடி சோதனை நடத்தி வருவதாக தகவல் பரவி வருகிறது. இது தமிழ் திரையுலகில் பரபரப்பை ஏற்படுத்தியுள்ளது.

நடிகர் விஜய் சேதுபதிக்கு பல வருடங்களுக்கு கால் ஷீட் புக் ஆகிவிட்டது. ஓய்வே இல்லாமல் நடித்து வரும் விஜய் சேதுபதிக்கு அடிக்கடி படங்கள் வெளியாகின்றன. அவரது படங்களும் நல்ல வசூலை அள்ள தமிழ் திரையுலகில் அசுர வளர்ச்சி அடைந்து வருகிறார்.

நடிகர் விஜய்சேதுபதியின் வீடு கீழ்ப்பாக்கத்திலும், அலுவலகம் வளசரவாக்கத்திலும் அமைந்துள்ளது. இந்நிலையில் அவரது வீடு மற்றும் அலுவலகத்தில் வருமான வரித்துறையினர் அதிரடியாக சோதனை நடத்தி வருகின்றனர்.

ஆனால் இதனை விஜய் சேதுபதி தரப்பு மறுத்துள்ளது. வருமான வரித்துறையின் ஆய்வுக்குழு நடத்திய வழக்கமான இந்த கணக்காய்வு, மூன்று நாட்களுக்கு முன்னர் நடைபெற்றதாகவும், இதை தற்போது ரெய்டு என்பது போல திரித்து கூறுகின்றனர் என்றும் விஜய் சேதுபதி தரப்பு தெரிவித்துள்ளது.