மோடிக்கும், ரஜினிக்கும் கோமாதா பூஜை!

பிரதமர் மோடிக்கும், அரசியலில் ஈடுபட உள்ளதாக அறிவித்துவிட்டு கட்சியின் பெயரை கூட அறிவிக்காமல் படப்பிடிப்பில் பிசியாக இருக்கும் நடிகர் ரஜினிகாந்துக்கும் சேர்த்து திருச்சியில் கோமாதா பூஜை நடத்துவது பரபரப்பை ஏற்படுத்தியுள்ளது.

நடிகர் ரஜினிகாந்த் பாஜகவுடன் சேர்ந்து தான் அரசியலுக்கு வருவார் என்றும் அவர்தான் பாஜகவின் தமிழக முதல்வர் வேட்பாளர் என்கிற பேச்சு அரசியல் வட்டாரத்தில் வலம் வந்துகொண்டிருக்கும் நிலையில் மோடிக்கும் ரஜினிக்கும் சேர்த்து திருச்சியில் பாரதீய வீர விவேகானந்தர் பேரவை கோமாதா பூஜை நடத்த உள்ளது.

மோடியும், ரஜினியும் ஆன்மீக அரசியல் நடத்த வேண்டும் என்கிற ஒரே எண்ணத்தில் இருக்கிறார்கள். அவர்கள் வேறு வேறு அரசியல் களத்தில் இருந்தாலும் அவர்களின் எண்ணம் ஒன்றாக தான் இருக்கிறது. எனவேதான் மோடிக்கு அமைதிக்கான நோபல் பரிசு வழங்க வேண்டும் என்றும், ரஜினிகாந்த் அரசியலுக்கு விரைவில் வரவேண்டும் என்றும் இந்த கோமாதா பூஜை நடத்துகிறோம் என பாரதீய வீர விவேகானந்தர் பேரவையினர் தெரிவித்துள்ளனர்.