ஐயப்பன் ராமசாமி மூஞ்சி, மொகரைய உடைப்பேன்: TTF வாசன் மீது வழக்கு!

ஐயப்பன் ராமசாமி உள்ளிட்ட சில யூடியூபர்கள் தாங்கள் பேசுவதற்கு பணம் வாங்குவதாக சில தினங்களுக்கு முன்னர் வீடியோ வெளியாகி பெரும் பரபரப்பை ஏற்படுத்தியிருந்தது. இந்நிலையில் ஐயப்பன் ராமசாமியின் மூஞ்சி, மொகரைய உடைப்பேன் என வீடியோ வெளியிட்ட பிரபல பைக் ரைடர் மற்றும் யூடியூப் பிரபலம் TTF வாசன் மீது வழக்கு காவல்துறையினர் வழக்கு பதிவு செய்துள்ளனர்.

கோவையை சேர்ந்த TTF வாசன் ஒரு பைக் பிரியர், இவர் பைக்கில் சாகசங்கள் செய்து அதனை வீடியோவாக பதிவு செய்து தனது யூடியூப் சேனலில் வெளியிட்டு வந்தார். இவருக்கு லட்சக்கணக்கில் ரசிகர்கள் உள்ளனர். இதனையடுத்து சில மாதங்களுக்கு முன்னர் ஐயப்பன் ராமசாமிக்கு இண்டர்வியூ அளித்த TTF வாசன் அவர் மீது கருத்து மோதல் காரணமாக கோபத்தில் இருந்து வந்தார். இந்நிலையில் ஐயப்பன் ராமசாமி பணம் வாங்கிக்கொண்டு பேசுவதாக வீடியோ வெளியான நிலையில் TTF வாசன் அது தொடர்பாக ஒரு வீடியோ வெளியிட்டுள்ளார்.

அதில், பெண்கள் குறித்து தரக்குறைவாக பேசிய ஐயப்பன் ராமசாமியை கடுமையாக விமர்சித்த TTF வாசன், கேவலம் பணத்துக்காக ஒருவரை இழிவு படுத்தும் ஐயப்பன் ராமசாமிக்கு இனி மரியாதை கிடையாது. அவர் மரியாதையை இழந்துவிட்டார். தனக்கு ஆதரவாக இருந்த பெண்களையே அவர் கேவலமாக பேசியுள்ளார். ஐயப்பன் ராமசாமியின் இண்டர்வியூவில் போட்டிருந்த அதே சட்டையை போட்டுக்கொண்டு அவர் மீது வெறியோடு இருக்கிறேன்.

ஐயப்பன் ராமசாமி கையில சிக்குனான் மூஞ்சி, மொகரைய உடைப்பேன் அவ்வளவு வெறியோடு இருக்கேன் என அந்த வீடியோவில் பேசியுள்ளார் TTF வாசன். இந்நிலையில் தகாத வார்த்தைகளை பயன்படுத்தி வன்முறையை தூண்டும் விதமாக பேசியதாக கோவை காரமடை போலிசார் TTF வாசன் மீது வழக்கு பதிவு செய்துள்ளனர்.