செய்திகள்
கலைஞர் மகளிர் உரிமைத் தொகைக்கு யார் தகுதி? அரசு கண்டறியும் முறை இதுதான்!
கலைஞர் மகளிர் உரிமைத் தொகை: யார் தகுதியானவர் என்பதை அரசு எப்படி கண்டறிகிறது? முழுப் பதிவு இதோ!
தமிழக அரசு வழங்கும் கலைஞர் மகளிர் உரிமைத் தொகை திட்டம் (Kalaignar Magalir Urimai Thogai) ஏழை மற்றும் நடுத்தர குடும்பங்களின் பெண்களுக்கு மாதம் ரூ.1000 வழங்கும் புதிய நலத்திட்டமாக விரிவடித்து வருகிறது.
தற்போது நடைபெறும் “உங்களுடன் ஸ்டாலின்” முகாம்களில், பல பெண்கள் இந்த திட்டத்துக்காக புதியதாக விண்ணப்பிக்கிறார்கள். ஆனால் விண்ணப்பித்தால் போதும் அல்ல; தகுதியும் இருக்க வேண்டும் என்பதே அரசின் அடிப்படை நிபந்தனை.
அரசு தகுதியானவர்களை எப்படி தேர்வு செய்கிறது?
ரேஷன் கார்டு வகை:
அந்த்யோதயா அன்ன யோஜனா, முன்னுரிமை, முன்னுரிமையில்லாத கார்டுகள் உள்ள பெண்கள் விண்ணப்பிக்கலாம்.
பொருளில்லாத அட்டைப் பெற்றவர்கள் விண்ணப்பிக்க முடியாது.
வருமான வரம்பு:
ஆண்டுக்கு ₹2.5 லட்சம் வருமானம் இருக்கக்கூடாது.
அதைவிட அதிகமாக வருமானம் ஈட்டுபவர்கள் தகுதியற்றவர்கள்.
சொத்து விவரம்:
5 ஏக்கருக்கு மேல் நன்செய் நிலம்
10 ஏக்கருக்கு மேல் புன்செய் நிலம் இருந்தால், விண்ணப்பிக்க முடியாது.
பணியிலும் அரசியல் பதவியிலும் உள்ளவர்களின் குடும்பங்கள்:
மத்திய/மாநில அரசு ஊழியர்கள்,
ஓய்வூதியம் ₹2.5 லட்சம் மேல் பெறுபவர்கள்,
எம்எல்ஏ, எம்பி, கவுன்சிலர், ஊராட்சி தலைவர் ஆகியோரின் குடும்ப பெண்கள் தகுதியற்றவர்கள்.
வரி செலுத்துபவர்கள்:
தொழில் வரி மற்றும் வருமான வரி கட்டுபவர்கள் தகுதியற்றவர்கள்.
சொந்த உபயோகத்திற்கு நான்கு சக்கர வாகனம் வைத்திருப்பவர்களும் விண்ணப்பிக்க முடியாது (மானியம் மூலம் வாங்கியவர்கள் தவிர).
🛂 அரசு எப்படி உண்மைதனத்தை கண்டறிகிறது?
ஆதார் கார்டு, வங்கி கணக்கு, கணவரின் மொபைல் எண், தனிப்பட்ட மொபைல் எண்,
கிராம நிர்வாக அலுவலரின் நேரடி பரிசீலனை போன்றவற்றின் மூலமாக,
விரிவான தகவல்களை அரசு பகுப்பாய்வு செய்து, விண்ணப்பதாரரின் தகுதியை உறுதிப்படுத்தும்.
அதனால் தகுதி இல்லாமல் விண்ணப்பிக்க வேண்டாம். அரசு உங்கள் விவரங்களை முறையாக சேகரித்து பரிசீலிக்கிறது.
