வணிகம்
நெஸ்லே இந்தியா முதல் முறையாக 1:1 விகிதத்தில் போனஸ் பங்குகள் – முதலீட்டாளர்களுக்கு இரட்டை லாபம்!
நெஸ்லே இந்தியா போனஸ் பங்கு அறிவிப்பு – முதலீட்டாளர்களுக்கு டபிள் மகிழ்ச்சி!
நாட்டின் முன்னணி எஃப்எம்சிஜி நிறுவனங்களில் ஒன்றான நெஸ்லே இந்தியா, முதல்முறையாக தனது பங்குதாரர்களுக்கு 1:1 விகிதத்தில் போனஸ் பங்குகளை வழங்குவதாக அறிவித்துள்ளது. இதன்படி, ஏற்கனவே ஒரு பங்கு வைத்திருக்கும் ஒவ்வொரு முதலீட்டாளருக்கும் மற்றொரு பங்கு இலவசமாக வழங்கப்படும்.
இது தொடர்பான முக்கியமான பதிவு தேதி இன்னும் அறிவிக்கப்படவில்லை என்றும், விரைவில் அதிகாரப்பூர்வ அறிவிப்பு வெளியிடப்படும் என்றும் நிறுவனம் தெரிவித்துள்ளது. இந்த போனஸ் அறிவிப்பின் பின், நெஸ்லே பங்குகள் 1.14% உயர்ந்து ரூ.2,431.80-க்கு வர்த்தகம் செய்யப்பட்டன.
போனஸ் பங்கு அறிவிப்பு – வாரிய ஒப்புதல்
நெஸ்லே இந்தியாவின் வாரியக் கூட்டம் வியாழக்கிழமை நடைபெற்றது. இதில், இயக்குநர்கள் குழு போனஸ் பங்குகளை வழங்க ஒப்புதல் அளித்தனர். மேகி, கிட்கேட் போன்ற பிரபலமான தயாரிப்புகளை வழங்கும் நெஸ்லே, இதன் மூலம் முதலீட்டாளர்களின் நம்பிக்கையை பலப்படுத்துகிறது.
ஈவுத்தொகை (Dividend) அறிவிப்பு:
நெஸ்லே இந்தியா, மார்ச் காலாண்டுக்கான முடிவுகளை அறிவிக்கும் போது, ஓர் பங்குக்கு ரூ.10 இறுதி ஈவுத்தொகை (1000%) அறிவித்தது. இந்த ஈவுத்தொகைக்கான பதிவு தேதி ஜூலை 4, 2025 என நிர்ணயிக்கப்பட்டுள்ளது.
பங்கு விலை நிலை – வரலாறு:
1 மாதத்தில் பங்கு விலை 1.5% குறைந்துள்ளது
6 மாதங்களில் 12% லாபம்
12 மாதங்களில் 5% இழப்பு
5 ஆண்டுகளில் சுமார் 45% லாபம்
வியாழக்கிழமை பங்கு விலை இன்ட்ராடே உச்சமாக ரூ.2444.65-ஐ எட்டியது. ஆனால், பின்னர் குறைந்து ரூ.2,406.80-க்கு விற்பனை செய்யப்பட்டது. கட்டுரை எழுதும் நேரத்தில் பங்கு விலை 1.14% உயர்ந்து ரூ.2,431.80 என்ற நிலைமைக்கு வந்துள்ளது.
