வணிகம்
ஜூலை 2025 முதல் மத்திய அரசு ஊழியர்களுக்கு 3% டிஏ உயர்வு உறுதி! – முழு விபரம் இங்கே!
ஜூலை 2025 முதல் டிஏ 58% ஆக உயர்வு – மத்திய அரசு ஊழியர்களுக்கு நல்ல செய்தி!
மத்திய அரசு ஊழியர்கள் மற்றும் ஓய்வூதியதாரர்களுக்காக ஆண்டில் இருமுறை வழங்கப்படும் அகவிலைப்படி (DA) மற்றும் அகவிலை நிவாரணம் (DR) குறித்து முக்கிய அப்டேட் வெளியாகியுள்ளது.
தொழிலாளர் பணியகம் வெளியிட்ட ஜூன் 2025 CPI-IW (Consumer Price Index for Industrial Workers) குறியீட்டு எண் 145.0 என உயர்ந்துள்ளது. இதன் அடிப்படையில், ஜூலை 2025 முதல் டிஏ விகிதம் 58% ஆக உயரும் என்பது உறுதியாகிவிட்டது.
இதற்கான அதிகாரப்பூர்வ அறிவிப்பு செப்டம்பர் 2025 மாதத்தில் மத்திய அமைச்சரவையால் அங்கீகரிக்கப்படும் என்று எதிர்பார்க்கப்படுகிறது.
🔹 3% டிஏ உயர்வால் சம்பளத்தில் ஏற்படும் மாற்றம்:
ஒரு அரசு ஊழியரின் அடிப்படை சம்பளம் ரூ.30,200 என எடுத்துக்கொண்டால்:
தற்போதைய 55% DA = ரூ.16,610
மொத்த சம்பளம் = ரூ.46,810
58% DA உயர்வுக்குப் பிறகு = ரூ.17,516
புதிய மொத்த சம்பளம் = ரூ.47,716
உயர்வு = ரூ.906
இந்த உயர்வுடன் டிஏ அரியர் தொகையும் வழங்கப்படும். அதாவது, ஜூலை 2025 முதல் செயல்படுத்தப்பட்ட DA உயர்வு, அறிவிப்பு வெளியான பிறகு அடுத்த மாதம் சம்பளத்துடன் சேர்த்து வழங்கப்படும்.
மதிப்பீட்டு மாதங்கள் (AICPI – CPI-IW தரவுகள்):
ஜனவரி 2025 – 143.2 – 56.39%
பிப்ரவரி 2025 – 142.8 – 56.72%
மார்ச் 2025 – 143.0 – 57.09%
ஏப்ரல் 2025 – 143.5 – 57.47%
மே 2025 – 144.0 – 57.85%
ஜூன் 2025 – 145.0 – 58.17% (வட்டமாக 58%)
இதன் மூலம், விலைவாசி உயர்வையும் பணவீக்கத்தையும் சமாளிக்க, மத்திய அரசு ஊழியர்களுக்கும் ஓய்வூதியதாரர்களுக்கும் சீரான நிவாரணம் வழங்கப்படுவது உறுதி செய்யப்பட்டுள்ளது.
