ஆரஞ்சு பழத் தோல் முகத்திற்கு எப்படி பயனளிக்கிறது? இது உங்கள் சருமத்தை பளபளப்பாக மாற்றும்!

ஆரஞ்சு பழத் தோல் – முக பொலிவுக்கான சிறந்த இயற்கை வழி!

அழகு பராமரிப்பில் ஆரஞ்சு பழத் தோலை பயன்படுத்துவது சருமத்திற்கு பல நன்மைகளை வழங்குகிறது. இதில் உள்ள வைட்டமின் சி, ஆன்டிஆக்ஸிடென்டுகள் மற்றும் இயற்கை எசென்ஷியல் எண்ணெய்கள் சருமத்தை பளபளப்பாக மாற்றுகிறது.

ஆரஞ்சு பழங்களை சாப்பிட்ட பிறகு, அதன் தோலை வீணாக்காமல், சரும சுத்தம் செய்ய பயன்படுத்தலாம். அதற்காக, ஆரஞ்சு தோலை 3-4 நாட்கள் வெயிலில் நன்றாக காயவைத்து, மிக்ஸியில் பொடியாக அரைத்து வைத்துக்கொள்ளலாம். இந்த பொடியை பல்வேறு வகையான ஃபேஸ் பேக்குகளாக பயன்படுத்தலாம்.

ஆரஞ்சு தோல் ஃபேஸ் பேக் தயாரிக்கும் முறை

🔸 2 ஸ்பூன் ஆரஞ்சு தோல் பொடி
🔸 2 ஸ்பூன் பால்
🔸 1 ஸ்பூன் தேங்காய் எண்ணெய்

இதனை ஒன்றாக கலந்து, முகத்தில் தடவி, 10 நிமிடங்கள் கழித்து கழுவ வேண்டும். இது முகத்திலுள்ள அழுக்குகளை நீக்கி, சருமத்தை பளபளப்பாக மாற்றும். மேலும், முகப்பருக்களையும் கட்டுப்படுத்த உதவும்.

இயற்கையான சோப்பாகவும் பயன்படுத்தலாம்!
ஆரஞ்சு தோல் பொடியை தினசரி முகம் கழுவ சோப்பாகவும் பயன்படுத்தலாம். இதில் உள்ள வைட்டமின் சி முகத்திற்கு இன்‌ஸ்டன்ட் பொலிவை அளிக்கின்றது.

 மருத்துவ அறிவுரை:
இந்த முறையை பயன்படுத்துவதற்கு முன், உங்கள் சருமத்திற்கேற்றதா என்று பரிசோதித்து பாருங்கள். ஏதேனும் தொந்தரவுகள் இருந்தால், உடனே மருத்துவரை அணுகவும்.