ஏப்ரல் மாதத்தில் ரயில்வே ஊழியர்களுக்கு அடித்த ஜாக்பாட்!

மத்திய அரசு ஊழியர்களுக்கு சமீபத்தில் அகவிலைப்படி உயர்த்தப்பட்ட நிலையில் ரயில்வே ஊழியர்களும் இந்த மாதம் முதல் அகவிலைப்படி உயர்த்தி வழங்க ரயில்வே துறை அறிவித்துள்ளது ரயில்வே ஊழியர்களுக்கு பெரும் மகிழ்ச்சியை ஏற்படுத்தியுள்ளது .

ஏழாவது ஊதியக்குழு பரிந்துரையின்படி சமயத்தில் மத்திய அரசு ஊழியர்களுக்கு 3 சதவீதம் அகவிலைப்படி உயர்த்தப்பட்டது. இதன்படி மத்திய அரசு ஊழியர்களுக்கு 31 சதவீதத்திலிருந்து 34 சதவீதமாக அகவிலைப்படி உயர்ந்தது .

இந்த நிலையில் ரயில்வே துறையில் உள்ள அனைத்து ஊழியர்களுக்கும் ஏப்ரல் மாதம் முதல் அகவிலைப்படியை உயர்த்தி வழங்குமாறு ரயில்வே மண்டல அதிகாரிகளுக்கு ரயில்வே துறை சார்பில் கடிதம் அனுப்பி வைக்கப்பட்டு உள்ளது.

எனவே இந்த மாதம் ஊதியம் வாங்கும் ரயில்வே பணியாளர்கள் அனைவருக்கும் உயர்த்தப்பட்ட அகவிலைப்படி கிடைக்கும் என்பதும் இதன் காரணமாக 14 லட்சம் ரயில்வே ஊழியர்கள் பயனடைய உள்ளனர் என்பது குறிப்பிடத்தக்கது. அதேபோல் ஓய்வூதியம் பெறுபவர்களுக்கு அகவிலைப்படி உயர்த்த கடிதம் அனுப்பப்பட்டு உள்ளதால் 65 லட்சம் ஓய்வூதியர்கள் பயன் பெறுவார்கள் என்பது குறிப்பிடத்தக்கது. அகவிலைப்படி இந்த மாதம் உயர்த்தப்பட்டதால் ரயில்வே ஊழியர்களுக்கு ஜாக்பாட் அடித்துள்ளது.