ஆன்மீகம்
இந்த பிறந்த தேதியில் பிறந்தவர்களுக்கு காதலில் அடிக்கடி பிரேக்-அப்? நியூமராலஜி சொல்லும் ரகசியம்!
சிலரின் காதல் வாழ்க்கை தொடர்ந்து ஏற்றத் தாழ்வுகளால் நிரம்பியதாக இருக்கும். உறவுகள் நீண்ட நாட்கள் நிலைக்காமல், அடிக்கடி பிரேக்-அ் அனுபவிக்க நேரிடும். இதற்கு மனநிலை, குணாதிசயம் மட்டுமல்லாமல், பிறந்த தேதியும் ஒரு காரணமாக இருக்கலாம் என்று நியூமராலஜி கூறுகிறது.
எண் கணித ஜோதிடத்தின் படி, ஒருவரின் பிறந்த தேதி அவர்களின் குணம், உணர்ச்சி வெளிப்பாடு, சிந்தனை முறை மற்றும் உறவுகளை கையாளும் விதத்தில் தாக்கம் செலுத்தும். குறிப்பாக சில மூல எண்களைக் கொண்டவர்கள் காதல் உறவுகளில் அதிக சவால்களை சந்திக்க வாய்ப்புள்ளதாக நம்பப்படுகிறது.
மூல எண்ணை எப்படி கணக்கிடுவது?
ஒருவரின் பிறந்த தேதியில் உள்ள எண்களை கூட்டி, ஒற்றை இலக்க எண்ணாக மாற்றினால் கிடைப்பதே மூல எண் ஆகும்.
உதாரணமாக, 15ஆம் தேதி பிறந்தவர்களின் மூல எண் 1 + 5 = 6.
மூல எண் 5: சுதந்திரத்தை விரும்புவோர்
மூல எண் 5 கொண்டவர்கள் மிகவும் சுதந்திரமான சிந்தனையுடன் இருப்பார்கள். வாழ்க்கையில் புதுமை மற்றும் உற்சாகத்தை விரும்பும் இவர்கள், ஒரே மாதிரியான உறவுகளில் விரைவில் சலிப்படையக்கூடும்.
உறவுகளில் மாற்றம் மற்றும் சுவாரஸ்யம் இல்லையெனில், அவர்கள் மனஅழுத்தம் அடையலாம். இதனால் காதல் உறவுகளில் நிலைத்தன்மை குறைந்து, அடிக்கடி பிரேக்-அப் ஏற்படும் சூழ்நிலை உருவாகலாம் என்று நியூமராலஜி கூறுகிறது.
மூல எண் 7: அதிக உணர்ச்சி வசப்படுபவர்கள்
மூல எண் 7 கொண்டவர்கள் மிகுந்த உணர்ச்சி வசப்படக்கூடியவர்களாக இருப்பார்கள். சிறிய விஷயங்களைக்கூட அதிகமாக யோசிக்கும் பழக்கம் இவர்களுக்கு இருக்கும்.
இவர்களின் ஓவர் திங்கிங் மற்றும் அதிகமான எதிர்பார்ப்புகள் உறவுகளில் விரிசலை உருவாக்கக்கூடும். மேலும், தங்களின் காதல் துணையிடம் அதிக உரிமை உணர்வுடன் நடந்து கொள்வது, சில நேரங்களில் உறவில் பிரச்சனைகளை ஏற்படுத்தும்.
மூல எண் 8: காதலில் சோதனைகள் அதிகம்
மூல எண் 8 சனி பகவானின் ஆதிக்கம் கொண்ட எண்ணாக கருதப்படுகிறது. இந்த எண்ணை உடையவர்கள் உறவுகளை மிகவும் சீரியஸாக எடுத்துக் கொள்வார்கள்.
ஆனால், உணர்ச்சி ரீதியான புரிதல் மற்றும் ஆதரவு குறைந்தால், உறவில் விரைவில் தூரம் உருவாகலாம். காதலில் தாமதம், தவறான புரிதல்கள் மற்றும் மனவேதனைகள் போன்ற அனுபவங்களை இவர்கள் அதிகமாக சந்திக்க நேரிடலாம் என்று எண் கணிதம் கூறுகிறது.
காதல் வாழ்க்கையில் வெற்றிக்கு என்ன முக்கியம்?
நியூமராலஜி சில சாத்தியக்கூறுகளை மட்டுமே காட்டுகிறது. காதல் உறவுகள் வெற்றிகரமாக அமைய பரஸ்பர புரிதல், நம்பிக்கை, பொறுமை மற்றும் திறந்த மனப்பான்மை மிகவும் அவசியம். பிறந்த எண் ஒரு வழிகாட்டியாக இருக்கலாம்; ஆனால் உறவை நிலைநிறுத்துவது நம்முடைய அணுகுமுறையில்தான் உள்ளது.
