வணிகம்
PPF vs SSY: மாதம் ரூ.5,000 முதலீடு செய்தால் எதில் அதிக வருமானம்? முழு ஒப்பீடு!
இந்திய அரசு சிறு சேமிப்புத் திட்டங்களுக்கான புதிய வட்டி விகிதங்களை 2026–27 நிதியாண்டின் முதல் காலாண்டிற்கு அறிவித்துள்ளது. அதன்படி, ஏப்ரல் 1, 2026 முதல் ஜூன் 30, 2026 வரை அனைத்து திட்டங்களிலும் வட்டி விகிதங்களில் மாற்றமின்றி தொடரும் என்று நிதி அமைச்சகம் தெரிவித்துள்ளது.
இந்த அறிவிப்பிற்குப் பிறகு, பொதுமக்கள் அதிகமாக பேசும் இரண்டு முக்கிய சேமிப்பு திட்டங்கள் பொது வருங்கால வைப்பு நிதி (PPF) மற்றும் செல்வமகள் சேமிப்பு திட்டம் (SSY) ஆகும். இந்த இரண்டு திட்டங்களும் பாதுகாப்பான முதலீடுகளாக இருந்தாலும், வழங்கும் வருமானத்தில் பெரிய வித்தியாசம் உள்ளது.
SSY திட்டம் – அதிக வருமான வாய்ப்பு
சுகன்யா சம்ரித்தி யோஜனா (SSY) திட்டம் 21 ஆண்டுகளில் முதிர்வடையும். ஆனால் முதலீடு செய்ய வேண்டியது முதல் 15 ஆண்டுகள் மட்டுமே. அதன் பின்னர் 6 ஆண்டுகள் வட்டி மட்டும் சேர்க்கப்படும்.
- மாதம் ரூ.5,000 முதலீடு → ஆண்டு ரூ.60,000
- 15 ஆண்டுகளில் மொத்த முதலீடு → ரூ.9,00,000
- வட்டி விகிதம் → 8.2%
21 ஆண்டுகளுக்குப் பிறகு கிடைக்கும் தொகை:
👉 மொத்தம்: ரூ.28,72,848
👉 வட்டி மட்டும்: ரூ.19,72,848
PPF திட்டம் – நிலையான வருமானம்
பொது வருங்கால வைப்பு நிதி (PPF) திட்டம் 15 ஆண்டுகளுக்கு இயங்கும்.
- மாதம் ரூ.5,000 முதலீடு → ஆண்டு ரூ.60,000
- 15 ஆண்டுகளில் மொத்த முதலீடு → ரூ.9,00,000
- வட்டி விகிதம் → 7.1%
15 ஆண்டுகளுக்குப் பிறகு கிடைக்கும் தொகை:
👉 மொத்தம்: ரூ.16,27,284
👉 வட்டி மட்டும்: ரூ.7,27,284
மேலும், PPF திட்டத்தை விரும்பினால் 5 ஆண்டுகள் கூட நீட்டிக்கலாம்.
SSY திட்டம், PPF-ஐ விட அதிக வட்டி விகிதம் வழங்குவதால், நீண்டகாலத்தில் அதிக வருமானத்தை உருவாக்குகிறது. குறிப்பாக பெண் குழந்தைகளுக்கான சேமிப்பு நோக்கில் SSY மிகவும் சிறந்த தேர்வாக கருதப்படுகிறது.
மறுபுறம், PPF திட்டம் பாதுகாப்பான மற்றும் வரிவிலக்கு நன்மைகள் கொண்ட திட்டமாக இருப்பதால், பொதுமக்களுக்கு நிலையான முதலீட்டு விருப்பமாக உள்ளது.
