ஆதார் பெயர் மாற்றத்திற்கான ஆவணமாக இனி பான்கார்டை கொடுக்க முடியாது. – இந்திய தனித்துவ அடையாள ஆணையம் அறிவிப்பு

ஆதார் அட்டையில் பெயர் மாற்றம் செய்ய தேவைப்படும் ஆவணங்கள் பட்டியலில் மாற்றம் செய்யப்பட்டுள்ளது. இதன்படி பான்கார்டு அந்த பட்டியலில் இருந்து நீக்கப்பட்டுள்ளது.

இதுவரையில் 5 வயதிற்கு உட்பட்டவர்களுக்கான பட்டியல், 5 வயதிற்கு மேற்பட்டவர்களுக்கான பட்டியல் என 2 வகை பட்டியல்கள் மட்டுமே இருந்தன. தற்போது இது 4 வகை பட்டியல்களாக மாற்றப்பட்டுள்ளது.5 வயதிற்குட்பட்டவர்கள், 5முதல் 18 வயது வரை உள்ளவர்கள், 18 வயதிற்கு மேற்பட்டவர்கள், மாற்றுத்திறனாளிகள் என 4 வகையாள ஆவண பட்டியலாக மாற்றப்பட்டுள்ளது.

பான்கார்டு என்பது வரிவிதிப்பு தொடர்பான ஆவணம். பான்கார்டில் தந்தை பெயர் மட்டுமே உள்ளதால் அது ஒரு அடிப்படையான ஆடையாள ஆவணமாக இனிமேல் கருதப்பட மாட்டாது. பான்கார்டில் முகவரி குறிப்பிடப்படவில்லை. பெயர் தவிர மற்ற அடையாள உறுதிப்படுத்தும் விவரங்கள் குறைவாக உள்ளன. எனவே பான்கார்டை அடையாள ஆவணமாக ஏற்க போதுமானதாக கருதப்படவில்லை. என அதிகாரிகள் தரப்பில் கூறப்படுகிறது.