செய்திகள்
கலைஞர் மகளிர் உரிமைத் தொகை பெற என்ன ஆவணங்கள் வேண்டும்? யார் விண்ணப்பிக்கலாம், யார் முடியாது? முழு விவரம்!
கலைஞர் மகளிர் உரிமைத் தொகை: விண்ணப்பிக்க தேவையான ஆவணங்களும் தகுதிகளும் குறித்து முழுமையான தகவல்!
தமிழ்நாடு அரசு நடத்திய முக்கிய நலத்திட்டங்களில் ஒன்றான “கலைஞர் மகளிர் உரிமைத் தொகை” (Kalaignar Magalir Urimai Thogai) விரைவில் மேலும் பலர் பயன்பெறும் வகையில் விரிவாக்கம் செய்யப்பட உள்ளது. இதற்காக ஜூன் 4ஆம் தேதி முதல் தமிழகமெங்கும் சிறப்பு முகாம்கள் நடத்தப்படவுள்ளது.
இந்த திட்டம் மூலம், மாதம் ₹1,000 உரிமைத் தொகையாக பெற, முந்தைய காலங்களில் நிராகரிக்கப்பட்ட விண்ணப்பதாரிகள் மற்றும் புதிய பெண்கள் அனைவரும் மீண்டும் விண்ணப்பிக்கலாம்.
✅ விண்ணப்பிக்க தேவையான முக்கிய ஆவணங்கள்:
ரேஷன் கார்டு (குடும்ப அட்டை) – கட்டாயம்
ஆதார் கார்டு
வாக்காளர் அடையாள அட்டை / நூறு நாள் வேலை அட்டை
பாஸ்போர்ட் சைஸ் புகைப்படம்
வங்கிக் கணக்கு பாஸ்புக் (விண்ணப்பிக்கும் குடும்ப தலைவியின் பெயரில்)
செயல்பாட்டிலுள்ள மொபைல் எண்
🔺குடும்ப அட்டை இல்லாதவர்கள் இந்த திட்டத்தில் விண்ணப்பிக்க முடியாது. அதனால், முதலில் குடும்ப அட்டை பெற்று, பின்னர் விண்ணப்பிக்க வேண்டியது அவசியம்.
🧾 தகுதி மற்றும் மறுக்கப்படும் விவரங்கள்:
குடும்ப வருட வருமானம் 2.5 லட்ச ரூபாய்க்குள் இருக்க வேண்டும்
நிலம் – நன்செய் நிலம் 5 ஏக்கருக்குள், புன்செய் நிலம் 10 ஏக்கருக்குள்
மக்கள் பிரதிநிதிகள் (ஊராட்சி தலைவர், எம்எல்ஏ, எம்பி) ஆகியோரின் குடும்பத்தினர் தேர்வு செய்யப்படமாட்டார்கள்
மத்திய/மாநில அரசு ஊழியர்கள், ஓய்வூதியதாரர்கள் குடும்பத்தினருக்கும் இது பொருந்தும்
சில நோய்வாய்ப்பட்ட நபர்களுக்கு விலக்கு அளிக்கப்படும்
முக்கிய குறிப்புகள்:
ரேஷன் கார்டு “பொருள் வாங்கும் வகை” ஆக இருக்க வேண்டும்
விண்ணப்பிக்குமுன், தகுதிச்சரிபார்ப்பு செய்வது அவசியம்
தவறான தகவலால் உங்கள் விண்ணப்பம் நிராகரிக்கப்படும்
