கிறிஸ்துமஸ் ஈவ் ஏன் கொண்டாடப்படுகிறதோ தெரியுமா? இதுதான் உண்மையான காரணம்!

கிறிஸ்துமஸ் ஈவ்: ஏன் கொண்டாடுகிறார்கள்?

கிறிஸ்துமஸ் ஈவ் (Christmas Eve) என்பது கிறிஸ்துமஸ் பண்டிகைக்கு முன்னதாகக் கொண்டாடப்படும் நாள். இது இயேசு கிறிஸ்து பிறந்த நாள் என்றும் குறிப்பிடப்படுகிறது. உலகம் முழுவதும் மக்கள் ஒருவருக்கொருவர் பரிசு பொருட்களை பரிமாறிக் கொண்டாடுகின்றனர். அதோடு, வீடுகளிலும் கிறிஸ்துமஸ் மரங்கள், வண்ண விளக்குகள் மற்றும் குடில்கள் வைத்து அலங்கரிப்பர்.

கிறிஸ்துமஸ் ஈவ் கொண்டாடப்படும் தேதி:

கிறிஸ்துமஸ் ஈவ், கிரிகோரியன் நாட்காட்டி படி, டிசம்பர் 24ஆம் தேதி கொண்டாடப்படுகிறது. இது அட்வென்ட் பருவத்தின் உச்சத்தை குறிக்கின்றது. கத்தோலிக்க சமயத்தின் படி, அட்வென்ட் என்பது கிறிஸ்துமஸ் பண்டிகைக்கு முன்பாகக் கொண்டாடப்படும் நான்கு ஞாயிற்றுக்கிழமைகளின் தொகுப்பாகும்.

கிறிஸ்துமஸ் ஈவ் பண்டிகையின் முக்கியத்துவம்:

உலகளவில் குழந்தைகள், சாண்டா கிளாஸ் அவருடைய பரிசுகளை வழங்குவதற்காக தனது பயணத்தைத் தொடங்கும் நாள் கிறிஸ்துமஸ் ஈவ் என்று நம்பப்படுகிறது. சாண்டா கிளாஸ் அவர்கள் குழந்தைகள் வைக்கும் சாக்ஸ் சாக்குகளில் பரிசுகளை விட்டு செல்வார்கள் என்றும், பால் மற்றும் குக்கீக்களை சாப்பிட்டு செல்வார்கள் என்றும் கூறப்படுகிறது.

மத அடிப்படையில் கிறிஸ்துமஸ் பண்டிகையில் நான்கு முக்கிய வழிபாடுகள் உள்ளன. அவை:

1. Vigil of the Nativity of the Lord – பருவத்தை ஆரம்பிக்கும் வழிபாடு.
2. Mass at Midnight – மிட்நைட் மாஸ்.
3. Mass at Dawn – பகல் வழிபாடு.
4. Mass During the Day – முற்றும் மாலை வழிபாடு.

கிறிஸ்துமஸ் ஈவ் தினத்தில், கிறிஸ்தவர்கள் தேவாலயங்களுக்குச் சென்று, பிரார்த்தனைகள் மற்றும் கேரோல்ஸ் பாடல்களை கேட்டு கொண்டாடுவர். இதன் போது, கிறிஸ்துமஸ் மரங்களை அலங்கரித்து, பரிசுகளை மரத்தின் அடியில் வைக்கின்றனர்.

ஐரோப்பிய நாடுகளில் கிறிஸ்துமஸ் ஈவ்:

ஐரோப்பிய நாடுகளில், குறிப்பாக ஜெர்மனி, ஆஸ்திரியா, போலந்து, ஹங்கேரி, செக் குடியரசு மற்றும் சுவிட்சர்லாந்து போன்ற நாடுகளில், டிசம்பர் 24ஆம் தேதி பரிசுகளை பரிமாறிக் கொள்ளும் வழக்கம் உள்ளது.

கிறிஸ்துமஸ் பண்டிகையின் வரலாறு:

கிறிஸ்துமஸ் பண்டிகை ஆரம்பமாகும் திகதி கி.பி.240 களில் மார்ச் 28ஆம் தேதி கொண்டாடப்பட்டது. ஆனால், கி.பி.336ஆம் ஆண்டு ரோம் நகரில் டிசம்பர் 25ஆம் தேதி கிறிஸ்துமஸ் கொண்டாட்டம் தோன்றியது. அந்த ஆண்டில் போப் முதலாம் ஜூலியஸ் அங்கீகாரம் அளித்தார். கிறிஸ்துமஸ் கேரல் கீதங்கள், 4ஆம் நூற்றாண்டில் ஆலயங்களில் பாடப்பட்டுள்ளன.

கிறிஸ்துமஸ் மரம் மற்றும் குடில் அமைத்தல்:

கிறிஸ்துமஸ் பண்டிகையின் போது, இயேசு பிறந்த காட்சியை குடிலாக அமைப்பது, 1223ஆம் ஆண்டு அசிசி புனித பிரான்சிஸ் அவர்களால் தொடங்கப்பட்டது.