பிரபல தமிழ் நடிகையுடன் கிரிக்கெட் வீரர் பும்ரா காதலா?

இந்திய அணி உலகக் கோப்பை கிரிக்கெட் தொடரில் விளையாட இங்கிலாந்து சென்றுள்ளது. இந்த தொடரில் இந்திய வேகப்பந்து வீச்சாளர் ஜஸ்பிரீத் பும்ரா மிகச்சிறப்பாக பந்துவீசி வருகிறார். உலகில் உள்ள அனைத்து அணிகளுமே இவரது பந்துவீச்சை எதிர்கொள்ள அஞ்சுகிறது. அந்த அளவுக்கு ஆக்ரோஷமாக உள்ளது இவரது பந்துவீச்சு.

உலகின் நம்பர் ஓன் பந்துவீச்சாளராக உள்ள பும்ராவும் பிரபல நடிகை அனுபமா பரமேஸ்வரனும் காதலிப்பதாக வெளியாகி உள்ள தகவலுக்கு நடிகை அனுபமா விளக்கம் அளித்துள்ளார். நடிகை அனுபமா பரமேஸ்வரன் மலையாளத்தில் வெளியான பிரேமம் படத்தின் மூலம் பிரபலமானார். தமிழில் தனுஷ் நடித்த கொடி படத்தின் மூலம் அறிமுகமானார். தமிழ், மலையாளம், தெலுங்கு, கன்னடத் திரையுலகில் வலம் வந்துகொண்டிருக்கும் இவர் தன் மீதான கிசுகிசுக்கு விளக்கம் அளித்துள்ளார்.

அதில், நாங்கள் இருவரும் நல்ல நண்பர்கள். காதலர்கள் அல்ல என தெரிவித்தார். இதற்கு முன்னர் தமிழ், தெலுங்கு திரையுலகில் வலம் வரும் ராஷி கண்ணாவும், பும்ராவும் காதலிப்பதாக செய்திகள் வெளியாகியது குறிப்பிடத்தக்கது.