உலக சந்தை தாக்கம்: இந்திய பங்குச்சந்தை கடும் வீழ்ச்சி.. முதலீட்டாளர்கள் கவனிக்க வேண்டிய 3 பங்குகள்!

உலகளாவிய சந்தைகளில் நிலவும் எதிர்மறை சூழ்நிலையால் இந்திய பங்குச்சந்தைகள் கடுமையான சரிவை சந்தித்துள்ளன. கடந்த வியாழக்கிழமை நடைபெற்ற வர்த்தகத்தில் முக்கிய குறியீடுகள் அனைத்தும் வீழ்ச்சியுடன் முடிவடைந்தன.

நிஃப்டி 50 குறியீடு 180 புள்ளிகள் சரிந்து 23,997 புள்ளிகளில் நிறைவடைந்தது. அதேபோல், பிஎஸ்இ சென்செக்ஸ் 582 புள்ளிகள் வீழ்ச்சி அடைந்து 76,913 புள்ளிகளில் முடிந்தது. மேலும், பேங்க் நிஃப்டி குறியீடும் 540 புள்ளிகள் குறைந்து 54,863 புள்ளிகளில் வர்த்தகத்தை நிறைவு செய்தது.

இந்த சரிவு பல துறைகளிலும் பரவலாக காணப்பட்டது. குறிப்பாக உலோகம், ரியல் எஸ்டேட் மற்றும் எஃப்எம்சிஜி துறைகள் அதிக அழுத்தத்தை சந்தித்தன. இருப்பினும் தகவல் தொழில்நுட்ப (IT) துறை மட்டும் ஒப்பீட்டளவில் நிலைத்தன்மையை காட்டியது. மிட்கேப் மற்றும் ஸ்மால்கேப் குறியீடுகளும் 0.4% முதல் 0.8% வரை சரிந்தன.

சாய்ஸ் புரோக்கிங் நிறுவனத்தின் நிர்வாக இயக்குநர் சுமீத் பகடியா கூறுகையில், நிஃப்டி குறியீடு 23,996.95 என்ற அளவில் சரிவுடன் தொடங்கியதாகவும், ஆரம்ப கட்ட வர்த்தகத்திலேயே அதிக விற்பனை அழுத்தம் ஏற்பட்டதால் 23,796.85 என்ற குறைந்தபட்ச நிலை வரை சென்றதாகவும் தெரிவித்தார்.

இந்த நிலையில் திங்கட்கிழமை முதலீட்டாளர்கள் கவனிக்க வேண்டிய சில பங்குகளையும் அவர் பரிந்துரைத்துள்ளார்.

Reliance Industries

ரிலையன்ஸ் நிறுவனத்தின் பங்கை ரூ.1430 அளவில் வாங்கலாம் என கூறப்பட்டுள்ளது. இதற்கான இலக்கு விலை ரூ.1520 ஆக நிர்ணயிக்கப்பட்டுள்ளது. ஸ்டாப்லாஸ் ரூ.1385 ஆக பரிந்துரைக்கப்பட்டுள்ளது.

Kotak Mahindra Bank

கோடக் மகிந்திரா வங்கி பங்கை ரூ.383 அளவில் வாங்கலாம். இதற்கான இலக்கு விலை ரூ.410 என்றும், ஸ்டாப்லாஸ் ரூ.365 என்றும் பரிந்துரைக்கப்பட்டுள்ளது.

Sun Pharma

சன் பார்மா நிறுவனத்தின் பங்கை ரூ.1808 விலையில் வாங்கலாம் என கூறப்பட்டுள்ளது. இதற்கான இலக்கு விலை ரூ.1950 ஆகவும், ஸ்டாப்லாஸ் ரூ.1725 ஆகவும் நிர்ணயிக்கப்பட்டுள்ளது.