சனிப்பெயர்ச்சி 2026: எந்த ராசிக்கு அதிர்ஷ்டம்? யாருக்கு சனி சோதனை?

ஜோதிடக் கணிப்புகளின் படி 2026 ஆம் ஆண்டு சனிப்பெயர்ச்சி மிகவும் முக்கியமானதாக கருதப்படுகிறது. விஸ்வாவசு ஆண்டில் வாக்கிய பஞ்சாங்கத்தின் படி 6 மார்ச் 2026 காலை 8.26 மணிக்கு சனிபகவான் கும்ப ராசியில் இருந்து மீனம் ராசிக்குச் செல்கிறார்.

இந்த சனிப்பெயர்ச்சி 12 ராசிகளுக்கும் தாக்கத்தை ஏற்படுத்தும். ஆனால் சில ராசிகளுக்கு முன்னேற்றமும், சிலருக்கு சோதனைகளும் ஏற்படும் என்று ஜோதிடர்கள் கூறுகின்றனர். குறிப்பாக ஏழரை சனி, அஷ்டம சனி, அர்த்தாஷ்டம சனி போன்ற நிலைகள் உள்ள ராசிக்காரர்கள் அதிக கவனமாக இருக்க வேண்டும்.

இந்த பெயர்ச்சியில் மீனம் ராசிக்கு ஜென்ம சனி, கும்பம் ராசிக்கு ஏழரை சனியின் கடைசி கட்டம், மேஷ ராசிக்கு ஏழரை சனி தொடக்கம், சிம்ம ராசிக்கு அஷ்டம சனி, தனுசு ராசிக்கு அர்த்தாஷ்டம சனி, கன்னி ராசிக்கு கண்டக சனி நடைபெறுகிறது.

இதனால் இந்த ராசிக்காரர்கள் முக்கிய முடிவுகளில் கவனம் செலுத்துவது நல்லது.

மேஷம்

சனிபகவான் தற்போது உங்கள் ராசிக்குப் பன்னிரண்டாம் இடமான விரய ஸ்தானத்திற்கு செல்கிறார். இதனால் ஏழரை சனி தொடங்கும் காலம் இது. இருப்பினும் குருவின் பார்வை கிடைப்பதால் பெரிய பாதிப்புகள் குறையும். தொழிலில் உங்கள் திறமை வெளிப்படும். நீண்ட நாட்களாக தடைப்பட்ட பதவி உயர்வு, ஊதிய உயர்வு போன்றவை கிடைக்கும் வாய்ப்பு உள்ளது.

ரிஷபம்

சனிபகவான் உங்கள் ராசிக்கு லாப ஸ்தானமான பதினோராம் இடத்துக்குச் செல்கிறார். இது உங்களுக்கு முன்னேற்றத்தை தரக்கூடிய காலம். பணியிடத்தில் உயர்வு, பதவி, மரியாதை கிடைக்கும். இழந்த வாய்ப்புகள் மீண்டும் திரும்ப கிடைக்கும்.

மிதுனம்

சனி உங்கள் ஜீவன ஸ்தானமான பத்தாம் இடத்துக்கு வருகிறார். உழைப்புக்கு ஏற்ற பலன் கிடைக்கும். அலுவலகத்தில் உங்கள் திறமை மதிக்கப்படும். ஆனால் எந்த முடிவிலும் அவசரம் தவிர்க்க வேண்டும்.

கடகம்

சனி ஒன்பதாம் இடமான பாக்கிய ஸ்தானத்துக்குச் செல்கிறார். நீண்ட காலமாக காத்திருந்த முயற்சிகள் பலன் தரும். தொழிலிலும் வாழ்க்கையிலும் நல்ல முன்னேற்றம் கிடைக்கும்.

சிம்மம்

சனி எட்டாம் இடத்திற்கு செல்லும் நிலையில் அஷ்டம சனி ஏற்படுகிறது. இதனால் சில சவால்கள் இருக்கலாம். ஆனால் பொறுமையுடன் செயல்பட்டால் பிரச்சினைகள் குறையும். வேலை தொடர்பான முன்னேற்றங்கள் தாமதமாகலாம்.

கன்னி

சனி ஏழாம் இடமான களத்திர ஸ்தானத்துக்குச் செல்கிறார். இது கண்டக சனி எனப்படும். குடும்பத்தில் ஒற்றுமை காக்குவது முக்கியம். பணியிடத்தில் உழைப்புக்கு மதிப்பு கிடைக்கும்.

துலாம்

சனி ஆறாம் இடத்திற்கு செல்லுவதால் எதிரிகளை வெல்லும் சக்தி கிடைக்கும். உடல்நலத்தில் மட்டும் கவனம் தேவை. வேலைப்பளு இருந்தாலும் முன்னேற்றம் உறுதி.

விருச்சிகம்

சனி ஐந்தாம் இடத்திற்கு செல்லுவதால் பஞ்சம சனி ஏற்படுகிறது. உழைப்பால் வெற்றி கிடைக்கும். சிலருக்கு புதிய பொறுப்புகள் கிடைக்கும்.

தனுசு

சனி நான்காம் இடத்திற்கு செல்லும் நிலையில் அர்த்தாஷ்டம சனி இருக்கும். மனஅழுத்தம் அதிகரிக்கலாம். ஆனால் அமைதியாக செயல்பட்டால் பிரச்சினைகள் குறையும்.

மகரம்

சனி மூன்றாம் இடத்துக்குச் செல்லுவதால் ஏழரை சனி முடிவடையும். இதனால் நிம்மதி அதிகரிக்கும். புதிய வாய்ப்புகள், பதவி உயர்வு கிடைக்கலாம்.

கும்பம்

சனி உங்கள் ராசியிலிருந்து விலகி இரண்டாம் இடத்திற்கு செல்கிறார். இது ஏழரை சனியின் கடைசி கட்டமாகும். வாழ்க்கையில் முன்னேற்றம் படிப்படியாக அதிகரிக்கும்.

மீனம்

சனி உங்கள் ஜென்ம ராசிக்கு வருவதால் ஜென்ம சனி தொடங்குகிறது. முக்கிய முடிவுகளில் கவனம் தேவை. பொறுமையாக செயல்பட்டால் தடைகள் நீங்கி முன்னேற்றம் கிடைக்கும்.