வணிகம்
தனியார் துறையினர் மகிழ்ச்சி: EPS ஓய்வூதியம் ரூ.9,000 ஆக உயர வாய்ப்பு!
EPS ஓய்வூதியத் தொகை விரைவில் உயர வாய்ப்பு – தனியார் துறையினருக்கு நம்பிக்கையான அப்டேட்!
EPFO (Employees’ Provident Fund Organisation) ஓய்வூதியதாரர்கள், கடந்த 2014ம் ஆண்டு முதல் குறைந்தபட்சமாக மாதம் ரூ.1,000 ஓய்வூதியமாக பெற்றுவருகின்றனர். இதை உயர்த்த வேண்டும் என்பதே இவர்களின் நீண்டகாலக் கோரிக்கையாக உள்ளது. தற்போது, இந்த கோரிக்கைக்கு மத்திய அரசு தீவிர கவனம் செலுத்தி வருகிறது.
சமீபத்தில் மகாராஷ்டிராவின் நாசிக்கில், EPFO ஓய்வூதியதாரர்கள், ஓய்வூதியத்தை ரூ.9,000 ஆக உயர்த்தக் கோரி போராட்டத்தில் ஈடுபட்டனர். போராட்டத்தில் கலந்து கொண்ட நாசிக் EPFO ஓய்வூதியதாரர்கள் கூட்டமைப்பின் தலைவர் ராஜு தேசலே, மத்திய அரசை இது குறித்து உடனடி நடவடிக்கை எடுக்கக் கேட்டுக்கொண்டார்.
ஓய்வூதிய உயர்வுக்கான முக்கிய கோரிக்கைகள்:
2014ல் ரூ.1,000 ஆக நிர்ணயிக்கப்பட்ட EPS ஓய்வூதியம், இதுவரை மாற்றமின்றி தொடர்கிறது.
தற்போது, ரூ.7,500 அல்லது ரூ.9,000 வரை உயர்த்த வேண்டும் என்று ஓய்வூதியதாரர்கள் வலியுறுத்துகின்றனர்.
அகவிலைப்படி கொடுப்பனவு, இலவச மருத்துவம், உணவுப் பாதுகாப்பு திட்டத்தில் சேர்ப்பு உள்ளிட்ட அடிப்படை ஆதரவுகளை அரசு வழங்க வேண்டும் என்றும் கோரிக்கை உள்ளது.
வருங்கால வைப்பு நிதியில் ஊழியர்களும், நிறுவனங்களும் 12% பங்களிக்கின்றனர். இதில் 8.33% EPS-க்கு செல்கிறது.
அரசின் பதில் நடவடிக்கை:
அரசாங்கம் தற்போது, EPS ஓய்வூதியத்தைக் குறித்து முழுமையான ஆய்வும் விவாதமும் நடத்தி வருகிறது. இதில் EPFO, CPFC, மற்றும் மத்திய அரசு இணைந்து விரைவில் முக்கிய முடிவை எடுக்கும் என கூறப்படுகிறது.
EPS ஓய்வூதியத் தொகை உயர்த்தும் நம்பிக்கை:
மாத ஓய்வூதியம் அதிகரிக்கப்பட்டால், அது தனியார் துறையினர் மற்றும் அவர்களது குடும்பத்துக்கு பெரிய நிவாரணமாக அமையும். ஒவ்வொரு மாதமும் உயரும் வாழ்க்கைச் செலவை சமாளிக்க இது மிக முக்கிய முடிவாகும்.
